شو رأيك بالغيره؟؟؟

الغيره مسألة كرامه وليست حب


شفت هل مقوله وحبيت اعرضها عليكن وأعرف رأيكن

وبدي اطلب منكن رأيكن شباب أو صبايا
شورأيكن بالغيره؟؟؟
وإنتو بتغارو ولا لأ


كل واحد يحكيلنا عن حالو
شكرا لمروركم

الغيرة شعور طبيعي فطرت عليه كل المخلوقات ليس فقط الانسان لكن عند البشر اتخذت اشكالا ممكن ان تؤدي الى كوارث
وهناك من لايشعر بالغيرة ابدا وهناك من يغير لكن حسب الموقف وهناك من يكون بطبعه غيورا فيتسبب لمن يحبه بالحرج والازعاج وهناك من تصل غيرته حد الخلل النفسي وانا شخصيا احس بالغيرةلكن في مواقف وظروف معينة وهي كما كتبت في البداية برايي الشخصي مسالة حب احيانا ومسالة كرامة احيانا اخرىوفي حالة اخرى يجتمع الامران معا

معك حق
الغيره أحيانا بتكون مسألة حب وأحيانا مسألة كرامه وأحيانا التنين سوا

حتى بيقولو:::الغيره بتولد مع الحب بس ما بتموت معو

وبرأيي إذا ما في غيره بالحب بيكون بلا طعمه
وبيقولو:::شيئان يفسدان الحب :::الصمت والإهمال

ما هي الحياة دايما اختيارات

والمشكله يا زاكافا ما ضل في بحياتنا الخيار الوسط يا ممكن وبسهوله يا مستحيل ما في حل وسط يعني
لذلك يا غيره زايده وهاد مصيبه
يا إما بدون غيره :::::يعني:::ملل:::::::::::
والملل::::هو إنسان إذا سألته عن حاله شرحه بالتفصيل


شكرا لمروركم

انا بشوف انو الغيرة مالا علاقة بالكرامة
بس هي بنفس الوقت ضرورية بس ضمن المعقول
لأنو احيانا الغيرة تؤدي لنتائج سيئة جدااااا

حازم:::
هلق مو دائماالغيره مسألة كرامه نحنا قلنا أحيانا

معك حق إنو الغيره بتأدي لنتائج سلبيه بس بنفس الوقت بتحسسك بوجود الشخص الآخر وبالأخص إذا كان الحبيب


سحي ما سألتكن بتشوفو إنو في غيره غير بين اللي بيحبو بعضن
مثلا إذا وحده بتغار على رفيقتها أو واحد بيغار على رفيقو هي بتعتبروها غيره
هي غيره طبيعيه

أنا وهاد رأيي إنو هل نوع من الغيره هوي عباره عن حب للتملك ::
شو رأيكن يا رفاقي


شكرا لمروركم حازم شكرا لمرورك

كل انواع الغيرة بتوصل بشكل او باخر لموضوع حب التملك .....................الانسان الانانية موجودة في بالفطرة لكن قدرتو عالسيطرة عليهاهي احد مفاتيح توازنو

أكيد هوي بيعبر عن حب التملك
بس هادا شي سئ وبنفس الوقت مافي الواحد يتلافاه ان كان من الذكر او من الانثى

يا جماعه شكرا كتير لتفاعلكن :::
بس يا ريت كل تخبرونا إذا كنتو بتغاروا على الشخص البتحبو؟ أو إذا ما
بتحبوحدن هلق:: هل بتتوقعوا تغاروا على الشخص البتحبو خلينا نقول بالمستقبل؟؟و


وكمان بدي اسألكنإذا كنتو بتغاروا على الصديق؟؟؟

ومشان ما تقولو عني إني بسأل كتير::
أنا اول مين رح يجاوب:

أنا من ناحيتي بغار وبحب الغيره كمان بكافه اشكالها
طبعا الغيره بس مو الشك
يعني اهم شي ما توصل الغيره للشك

وبالنسبه للغيره على الصديق ::أنا ما بهتم بهل موضوع لأن صديقتي ليست محجوزه بإسمي بس بشوف كتار "وبالأخص عنا نحنا البنات"كتار اللي بيغاروا لما الصديق بيحاكي غيرهن وبتعلق المشاكل ما بعرف برأيي اللي بيغار على الصديق بيكون عندو حب تملك فظيع وهاد شي مو حلو بالمره وأنا بحب الأشخاص اللي اللقمه البتمهون مو إلهن أكتر بكتير

مرحبا
أنا بعتبر الغيره شعور بالنقص
الانسان كل ما ذادت ثقتوا بنفسوا خفت غيرتواوالعكس صحيح

الله يعين يلي بغار
نار بتحرقو لالو بس
وبيكون الخاسر الوحيد

بالنسبة الي بتوقع اني رح غار عالشخص اللي بحبو لكن الى حد لا تتحول الى شك لانها تسمى عندئذ مرض
وانا عرفت هالشي من غيرتي على امي في حال اهتمت باحد غيري لاني تعودت ان يكون اهتمامها لي وحدي على اعتباري ابنتها الوحيدة ولا اتصور ان تكون هناك فتاة اخرى في المنزل وامي تعطيها اهتمامها وتتجاهلني

وبنفس الوقت بحب الغيرة المعقولة من الشريك المستقبلي لانها بتدل على حب
اما الغيرة على صديق فانا ابدا ما بتعنيلي شي لاني ما بحب قيد حالي باحد معين وما بقتصر على صديقة وحدة مع ان هي الغيرة موجودة باوساط البنات كتير
فمثلا كتير بالسكن الجامعي بتسكن 3 بنات ممكن اتنين رفقات والثالثة تنال اهتمام احد الرفيقتين
وهون منشوف المشاكل وهاد اعذروني بعتبرو/ولدنة
اما الغيرة من نجاح اي شخص فكل شخص ينال ما استحقت يداه لهيك انا اذا كنت بمكان بيكون
لاني استحقيتو وليس لان احد اخذ المكان الذي يجب ان اكون فيه
مع احترامي للجميع

الغيارى هم ملح الارض