بيت صغير بكندا

بيتي صغير

بيتي صغير بكندا
ما بيعرف طريقوا حدا
قرميدوا مغطى بالتلج ... وكل المرج
****
شجر وعصافير كتير
بتغط ترتاح وبتطير
ع قرميد بيتي الصغير بكندا
****
كلما بتتلج... بينطر يدوب التلج
كلما تغيم ... بينطر يرجع ربيع
****
بيتي صغير بكندا
من حولوا كل المدى
بابوا ما الو مفتاح
... بالي مرتاح
أوضة ودار وعلية
بقعد وحدي منسية
عا شبابيك بيتي الصغير بكندا
****
بيتي صغير بكندا
وحدوا صوتي والصدا
لا في صحاب ولاجيران ... القمر سهران
بفكر فيك وبشتاقلك
بحزن و بستفقدلك
على باب بيتي الصغير بكندا
****
بشعل النار ... بنطر ترجع حبيبي
تبقى حدي وما تتركني غريبي
****
بيتي صغير بكندا
مابدي يزوروا حدا
الا اللي قلبي اختاروا... قللوا سراروا
لـشو فتش بهالكون
وبعرف السعادة هون
بقلب بيتي الصغير بكندا
كلمات ريم الرحباني ابنه فيروز والملحن فرنسي اسمه ليس في ذاكرتي ومع ذلك هذا الهدوء في اللحن والموسيقا التي تحملك دون ان تشعر لهناك الى كندا
لتحلم معها ببيت صغير بعيد عن المشاكل والتعب بعيد عن المشاكل الصغيره التي تتراكم في اذذهاننا لتجعلنا دون ان نشعر قنابل موقوته جاهزه للانفجار باي لحظه. بيت صغير بكندا ليس كندا بالتحديد بل كل شيء بعيد عن تلك الالغام المزروعه في طريقنا لن اطيل الحديث لان الاحساس سيصلكم لدى سماعكم لها

شكرا ياناطرين التلج كتير حلوة الغنية وكتير دورت عليها لإهديها لصديق كندي بس ما عرفت حملها من أي مكان عالنت، مالنا غير شادي يضيف اللينك تبع التحميل،، منضل معذبينو بس شوبدنا نعمل بيتحملنا شادي لأن هوي أبونا بهالمقهى.