القتل

أهلا بالصديق " زاركافا " في مشاركته الأولى في مقهى سلمية ..

هذه المشاركة التي حملت رغم كلماتها القليلة وجعا كبيرا ومشكلة أكبر..

موضوع هام ..

بانتظار آراء الأصدقاء..

لي عودة بعد حين..

اصبح امرا عاديا ان نصحو على خبر مقتل احد الاشخاص في مدينتنا السلمية التي لم نكن نسمع فيها خبرا يتجاوز الخلاف بين الكنة وحماتهااو الجارة وجارتها
اربع حوادث قتل هزت الذاكرةفي هذة المدينة الامنه خلال اشهر فلماذا
هل من تفسير لديكم
زاركافا

نعم ياصديقي سلمية اليوم مدينة وأصبح هناك تنوع في النسيج الأجتماعي
لذلك من البديهي أن نسمع ونرى جرائم لأتفه الأسباب
والسبب كثرة البطاله والفقر المتقع الذي تعانيه شريحة كبيرة في المجتمع
مع المحبة والتقدير

احسنت يا فرح
اعتقد انك حطيتي ايدك على الجرح
المعادله بسيطه جدا
خليوي+مشروب+دراجه نارية +بطاله=مجتمع بحاجة الى غرفه انعاش

كمان بالعامية...........!!!!!!!!!!!!

حكي رواد مظبوط انتوا عم تحكوا كيف عم تصير المشاكل وشو أسبابا

ونحنا هون بالغربة ما عم نعرف شو عم يصير

ياريت الاخبار أول بأول لانو نحنا متل الماشي هوي ومغمض...................!!!!!!!!!

أبو وديع

تقبل مداخلتي:
لنغير المجتمع لازم نبدا من الركيزة الأساسية بهالمجتمع واللي هي الفرد...
لهيك يا أخ زاركافا لنغير المجتمع لازم نبدا بحالنا وإذا عجزنا صدقني بوقتا بيكون الغلط منا والحق علينا مو عحدا تاني..
ولحتى تكون تجربتنا أنجح وذات فعالية أكبر لازم نعزز القيم الحلوة بالجيل الطالع حاليا يعني الصغار براعم المستقبل
لازم نتعب على حالنا وعلين لحتى نسترجع سلمية ؟لأن أكيد مو بيوم ولا شهر رح ترجعلنا سلمية يمكن بدنا سنين
بس المهم نحقق شي ولو طال الوقت

اللي عم بيصير هو الطبيعي وهو اللي بيعبر عن روح المرحلة اللي نحنا فيها اصلا اذا صار غير هيك بيكون الوضع غير عادي لكل سبب نتيجة ولكل نتيجة سبب وفهمكم كافي

الفقر كان موجود _نعم
لكن كنا نقبل الفقر وكنا نقول الفقر مو عيب الفقير فقير العقل
الي صار ان الفقر صار عيب والفقير ماعاد فقير العقل
كل الناس صار بدها تركب سيارات وكلها بدها تحمل موبايلات
وكلو على اخر طرز
الموبايل من غير وحدات والسيارة مافيها بنزين وعليها قسط للبنك شي نص مليون اذا مو اكتر
المجدرة ماعاد عمتعجب اولادنا بدهن ياكلو شيش
والكازوز بطل ينشرب صرنا نشرب فوكس
اللي بدو يقول هيك صارت الدنيا وكل العالم هيك ماني ضدو ابدا
لكن نحنا بنحب كلشي عالعريض
الشرب كان موجود نعم
بس مو هيك
اللي بدو يشرب يصطفل
اي بس موكل هادا
الله وكيلكن عمنشرب عرق بسلمية اكتر من اوربا
عيب
كلو بيشرب
صارت النسوان تشرب اكتر من الزلم (مع انني احترم النساء جدا)
المتورات كانت موجودة _نعم
كم متور ياحزركن في بسلمية
كم شب عميموت بالسنة بحادث متور
كم متور عمينسرق من قدام بيت صحابو ا
كم شب بيروح يشتغل بلبنان بصب الباطون ليشتري متور
كم متور عمينحجز من قبل الشرطة
ماعد المتور لقضاء حاجة ضرورية فقط
للاسف صار لاستعراض القوة وقلة الزوووووووووووووو
البطالة كانت موجودة _نعم
بس اليوم كترت البطالة
وغير هيك الشباب قلت همتا كتير
يعني اصبحت البطاله كاس على الجميع
كل بيت في على الاقل بنت وشب عاطلين عن العمل
والاعباء زادت والغلا شايفينوا
جينا على الادب والشعر
كان عنا شعراء اكثر من القراء
اليوم ماعاد حدا عم يقرا
كنا نقرا
وكنا نسمع
الفيديو كليب دبحنا دبح
ان اوافقك الراي ان هناك شيء تغير
اعتقد انه لم يبقى شي على حالو
وليتقبل الجميع مع الاحترام
للفقراء
وسائقي الدراجات
والعاطلين عن العمل
والسادة الشعراء]

بارك الله فيك يازراكوفا كلامك مفيد ولمس الحقيقة بكل جوانبها وخصوصا فيما يتعلق بمفهوم الفقر والغنى وانا هنا اقول لك كما يقولون اخواننا بالسعودية حيث اقيم انا(يصح لسانك لاعدمناك(

بصراحة هالأيام دارج النصب والشاطر بدو ينصب ع التاني
والمشاكل من وراها كتير
فممكن تكون احد اسباب القتل

تحياتي للجميع
أنا إلي وجهة نظر تانية
السبب الوحيد للمشاكل هو
" عدم وجود رادع "
والمقصود بالرادع هنا هو : العقاب
وعدم قيام بعض الجهات بعملها بشكل سليم

بكـــــــــــــــــــــــــــل احتـــــــــــــــــــــــرام

طيب وين الحل العملي انتو حكيتو عن كتير مشاكل وماحطيتو حلول ويلي حط الحل ماكان حل عملي
انتو شبابنا لازم تكونو بهيك امو السباقين للحل
ولو انحط حل عملي مين رح ينفذ لازم يكون في جمعية قوية
انا بدي قول اقتراح مابعرف كيف رح يتنفذ لهيك بتمنى الدعم بالمعرفة
لازم حملة توعية علنية يعني بالشوارع بالازقة والحارات وتكون الحملة ليست منمقة بالخطابات والمقدمات الصاخبة
ممكن كلمات بسيطة معبرة وبالعامية لتوصل للكل
ممكن منشورات وحتى لو على ورق دفاتر عادي ووممكن كلمتين تخلي الناس تتحمس
احمو ولادكن
فتحو عيونكن
ولاد حارتك بخطر
ولمى بتجذبوفضول الناس حطو اعلان كبير اسمو بدنا نرجع سلمية لانو عم تضيع بشبابا
وياريت تبعدو عن المراكز الدينية والثقافية لانو هيك صارت حكر على العالم يلي بتكون بالاساس بعيدة عن هالمشاكل شوي
مو ضروري يلي كتبتو يكون دقيق لكن يمكن يحرض الافكار او العضلات اي شي دخيلكن تحركو

شو وين الشباب المتحمسين فكرناكن رح تكسرو الدنيا من الحماس على بلدتكن المحتضرة ولك اصلا اذا بتموت مو كتير