ألحان
من طرف أغيد الجندي الإثنين يونيو 29, 2009 2:30 pmهما مين وإحنا مين
هما الأمرا والسلاطين
هما المال والحكم معاهم
واحنا الفقرا المحكومين
حزّر فزّر شغل مخّك
شوف فينا مين بيحكم التاني
إحنا مين وهما مين
إحنا الفعلا البنايين
إحنا السنة إحنا الفرض
إحنا الناس بالطول بالعرض
من عافيتنا بتقوم الأرض
ومن عرقنا تخضر البساتين
حزّر فزّر شغل مخّك
شوف مين فينا بيخدم التاني
هما مين وإحنا مين
هما الامرا والسلاطين
هما الفيلا والعربية
والنساوين المتقنيّة
حيوانات استهلاكيّة
شغلتهم حشو المصارين
حزّر فزّر شغل مخّك
شوف مين فينا بياكل التاني
إحنا قرنفل على ياسمين
إحنا الحرب حطبها ونارها
وإحنا الشهدا بكل مدراها
منتصرين أو منكسرين
حزّر فزّر شغل مخّك
شوف مين فينا بيقتل مين
هما مين وإحنا مين
هما الأمرا والسلاطين
هما مناظر بالمزيكة
والزّفة وشغل البولوتيكا
ودماغهم طبعاً استيكا
بس البركة في النياشين
هما بيلبسوا أخر موضة
وإحنا بنسكن سبعة بأوضة
هما بياكلوا فراخ وحمام
وإحنا الفول دوّخنا وداخ
هما بيمشوا بطيارات
وإحنا بنموت بالأتوبيسات
هما حياتهم بمبي جميلة
هما فصيلة وإحنا فصيلة
حادي بادي يا عبد الهادي
ياللي عليك قصد الغنوة دي
لمّا الشعب يقوم وينادي
يا إحنا يا هما في الدنيا دي
حزّر فزّر شغل مخّك
شوف مين فينا
حيغلب التاني
هما الأمرا والسلاطين
هما المال والحكم معاهم
واحنا الفقرا المحكومين
حزّر فزّر شغل مخّك
شوف فينا مين بيحكم التاني
إحنا مين وهما مين
إحنا الفعلا البنايين
إحنا السنة إحنا الفرض
إحنا الناس بالطول بالعرض
من عافيتنا بتقوم الأرض
ومن عرقنا تخضر البساتين
حزّر فزّر شغل مخّك
شوف مين فينا بيخدم التاني
هما مين وإحنا مين
هما الامرا والسلاطين
هما الفيلا والعربية
والنساوين المتقنيّة
حيوانات استهلاكيّة
شغلتهم حشو المصارين
حزّر فزّر شغل مخّك
شوف مين فينا بياكل التاني
إحنا قرنفل على ياسمين
إحنا الحرب حطبها ونارها
وإحنا الشهدا بكل مدراها
منتصرين أو منكسرين
حزّر فزّر شغل مخّك
شوف مين فينا بيقتل مين
هما مين وإحنا مين
هما الأمرا والسلاطين
هما مناظر بالمزيكة
والزّفة وشغل البولوتيكا
ودماغهم طبعاً استيكا
بس البركة في النياشين
هما بيلبسوا أخر موضة
وإحنا بنسكن سبعة بأوضة
هما بياكلوا فراخ وحمام
وإحنا الفول دوّخنا وداخ
هما بيمشوا بطيارات
وإحنا بنموت بالأتوبيسات
هما حياتهم بمبي جميلة
هما فصيلة وإحنا فصيلة
حادي بادي يا عبد الهادي
ياللي عليك قصد الغنوة دي
لمّا الشعب يقوم وينادي
يا إحنا يا هما في الدنيا دي
حزّر فزّر شغل مخّك
شوف مين فينا
حيغلب التاني
