شعر..
رفيق الليل
يللي رفيقو الليل
من الصبح شو بيزعَل
متل اللي سارج خَيل
ومن خيالها بتجفَل
بيصير عطر الليل
يتوسَّل من الخَيل
تمشي لتاني مَيل
تا الصّبح ما ينزَل
يا شَمس ولفي نام
لو تختفي جمعَة
وبعدا سَبع ايّام
منطفيلك الشَّمعَة
غيبي سَبع أيام
وطلّي سبع أيام
خَلّي حبيبي ينام
وخَلّي البَدر يكمَل
يا ليل فييّي غلّ
وبنَسمة الوادي
بعَتمَك حبيبي طَلّ
وبجَوَّك الهادي
يا ليل فييّي غلّ
لمَّا ينامو الكلّ
رفيقَك أنا رَح ضَل
والعمر عَميدبَل
يا ليل ضَل سهار
حكيلي عن همومَك
رفيقَك أنا....وبغار
من البَدر.... من نجومَك
رفيقَك أنا وبغار
من الصبح..والأنوار
....تا نطَوّل المشوار
نمشي ....ونتمَهَّل
جدايل حَبيبي سود
وبالعَين....في عَتمة
جبينو ...قمَر مَسنود
عا ..مَقعَد النجمة
جدايل حبيبي سود
وصَوتو صَدى الجرود
وجسمو عطر بيجود
لو فيك ....يتكَحَّل
يللي رفيقو الليل
عالصَبح ما بيسأل
جورج قزعور
يللي رفيقو الليل
من الصبح شو بيزعَل
متل اللي سارج خَيل
ومن خيالها بتجفَل
بيصير عطر الليل
يتوسَّل من الخَيل
تمشي لتاني مَيل
تا الصّبح ما ينزَل
يا شَمس ولفي نام
لو تختفي جمعَة
وبعدا سَبع ايّام
منطفيلك الشَّمعَة
غيبي سَبع أيام
وطلّي سبع أيام
خَلّي حبيبي ينام
وخَلّي البَدر يكمَل
يا ليل فييّي غلّ
وبنَسمة الوادي
بعَتمَك حبيبي طَلّ
وبجَوَّك الهادي
يا ليل فييّي غلّ
لمَّا ينامو الكلّ
رفيقَك أنا رَح ضَل
والعمر عَميدبَل
يا ليل ضَل سهار
حكيلي عن همومَك
رفيقَك أنا....وبغار
من البَدر.... من نجومَك
رفيقَك أنا وبغار
من الصبح..والأنوار
....تا نطَوّل المشوار
نمشي ....ونتمَهَّل
جدايل حَبيبي سود
وبالعَين....في عَتمة
جبينو ...قمَر مَسنود
عا ..مَقعَد النجمة
جدايل حبيبي سود
وصَوتو صَدى الجرود
وجسمو عطر بيجود
لو فيك ....يتكَحَّل
يللي رفيقو الليل
عالصَبح ما بيسأل
جورج قزعور
