الليل

الليل





وَحدي وكان الضَّو ....عَميطلع

مسكت القَلَم وبَلَّشت بالمَطلَع



عا بوسة من الخَمر عطشت شفافي

وصارت همومي افكار ...عَمتلمَع



شو خفت تروح وتضيع القوافي

لمَّا أنا وياك ..........نتوَدَّع



وتترُك حبوب النّدي ...عالحفافي

وتترك زراز الوَرد ......عمتدمَع



ويفيق السَّهل بَعد ما كان غافي

وأنطر لتاني يوم تا .....ترجَع



وترجَع والذهن ما يكون صافي

حاجي بقا يا ليل ......تتدَلَّع



جورج قزعور

بسيطة وقريبة للقلب رح حاول ضيف شي كلمتين انزعلك القصيدة
واخ ياليل شو مشتاقة نرجع
انا وانت للياسمين نسمع
وبلحن عالهادي نستمتع
ومن جعير المتورات منفزع
بس منرجع وحياتك رح ارجع

شو خفت تروح وتضيع القوافي

لمَّا أنا وياك ..........نتوَدَّع



وتترُك حبوب النّدي ...عالحفافي

وتترك زراز الوَرد ......عمتدمَع



ويفيق السَّهل بَعد ما كان غافي

وأنطر لتاني يوم تا .....ترجَع

جميلة هذه المعاني ....... شكرا لك
مع كل محبتي .....

كلمات سهلة ممتنعة, تعبر عن انسان رفيع الذوق

الأعزاء ام شمس -بشير -سوسنة - زياد - المنافس
بكل تأكيد ذوقكن هوي الحلو
وسمحولي أهديكن قصيدة بعنوان خَمرتي
شكرا لمروركم