شعر..
خدني مَعَك
لو فيك تاخدني مَعَكْ
أحسَن ما قَلبي ....يوْجَعَكْ
عَمبحلَم من سنين......
نسرَح سوى بهالكَون
نوقَف هَون ...
نمشي هَون
ومين قَلَّك مين
ان ترَكتني
رَح وَدّعَك
لَو .....
فيك تاخدني مَعَكْ
خدني عا بقعة كَون ...مَفقودي
بنَغمات حلوي ...ولَون
مَوعودي
نلَوّن أنا ويّاك
ونرسم ...دني
أحلا دني
ما تكون بِ هالكَون
مَوجودي
ونضَلّ شي ميّة سني
تبَكِّي الناي.....
وأسمَعَكْ
لو.....
فيك تاخدني مَعَكْ
ونوصَل على شي بلاد
ما فيها .....زَمَن
يكون فيها الصّبح
متل الليل
ولادا ما حملو رمح
ولا ركبو خَيْل
ولا بعمرهن عمْلو أسى
ودَفعو تَمَنْ
وما في حَدا يقلّي ارجَعي
أو يمنَعَك
لو....
فيك تاخدني مَعَكْ
وان زعلْت منَي بَعد هالغربي
وبكْيت الايام
وجفني سِهِر ما نام
برجَع عا سفْر الكَون
بخلُط شي ميّة لَون
بعَبّي كنوز الدّني
بشي علبي
بجبلَك مَصر
والشَّام
بس ضَل حدّي هَون
تا ضَلّ فيي اقشَعَكْ
لو فيك تاخدني مَعَك
جورج قزعور
25/4/2009
لو فيك تاخدني مَعَكْ
أحسَن ما قَلبي ....يوْجَعَكْ
عَمبحلَم من سنين......
نسرَح سوى بهالكَون
نوقَف هَون ...
نمشي هَون
ومين قَلَّك مين
ان ترَكتني
رَح وَدّعَك
لَو .....
فيك تاخدني مَعَكْ
خدني عا بقعة كَون ...مَفقودي
بنَغمات حلوي ...ولَون
مَوعودي
نلَوّن أنا ويّاك
ونرسم ...دني
أحلا دني
ما تكون بِ هالكَون
مَوجودي
ونضَلّ شي ميّة سني
تبَكِّي الناي.....
وأسمَعَكْ
لو.....
فيك تاخدني مَعَكْ
ونوصَل على شي بلاد
ما فيها .....زَمَن
يكون فيها الصّبح
متل الليل
ولادا ما حملو رمح
ولا ركبو خَيْل
ولا بعمرهن عمْلو أسى
ودَفعو تَمَنْ
وما في حَدا يقلّي ارجَعي
أو يمنَعَك
لو....
فيك تاخدني مَعَكْ
وان زعلْت منَي بَعد هالغربي
وبكْيت الايام
وجفني سِهِر ما نام
برجَع عا سفْر الكَون
بخلُط شي ميّة لَون
بعَبّي كنوز الدّني
بشي علبي
بجبلَك مَصر
والشَّام
بس ضَل حدّي هَون
تا ضَلّ فيي اقشَعَكْ
لو فيك تاخدني مَعَك
جورج قزعور
25/4/2009
