ماذا لو كنت مخرجا

دائما ينتصر الابطال والخير في السينما وان لم ينتصروا على الاقل ينصفهم المخرج كضحايا للشر امافي الحياة فغالبا مايكون للباطل الكلمة الاخيرة اما انا فلا استطيع ا قتراح شيء واترك ذلك لاصدقائي في المقهى وشكرا لك زاركافا على طرحك الراقي

لالا انا شفت الفيلم سنة 1999 رجعتيني لورا كتير بس هو فعلا برايي مابيستحق تغير النهاية

دائما منتمنى النهايات المريحة للعقل لانو بالحياة الواقعية ملينا النهايات المملة الحزينة اصلا صارت مملة بسبب التكرار
لهيك من ناحيتي مابتفرج غير عالافلام والمسلسلات الكوميدية

نورا الفلم اللي ذكرتيه انا شايفو وفكرة الفلم كلها قائمة عمبدا التضحية وايضا مدى قبولنا لفقدان الاشياء الغالية بحياتنا منشان هيك غير نهايتو اللي شفتيها ما بيمشي الحال

المخرج والمؤلف لما بيعملوا النهايه بتكون بتعكس وجهه نظرن بالموضوع والقصه والحياه ككل وممكن تكون النهايه عم توصل رساله لهل السبب خلي النهايات لمخرجيهاوخلينا نحنا بدورنا نقرأالرسائل بشكل صحيح ونرد عليها في حال عدم مناسبتها للواقع

lala كتب:
فيلم مدينة الملائكة للمثل نيكولاس كيج
الفيلم كتير حلو بنصحكم تشوفو

فعلا فلم كتير حلو ل نيكولاس كيج و ميغ ريان،سنة 1998، بمدينة لوس انجلس، بيكون نيكولاس أحد الملائكة بهالمدينة اللي عمبتراقب البشر وتحميهن بطرق غير مرئية. لكن و برغم المواجهات اليومية لجانب الإنسان،ضلو الملائكة عندون صعوبة بفهم الجنس البشري.
طبعا الملاك كيج بيتعرف ع ميغ بغرفة عمليات جراحة القلب كونو هيي الجراح، أما هو بيكون ناطر المريض لياخدو للعالم الآخر. طبعا تأثر كتير الملاك بمحاولات الطبيب لإنقاذ الرجل اللي كان واقف بجانب الملاك عمبيراقب محاولات الطبيب لإنقاذو.
و طبعا بعد أحداث لاحقة مؤثرة، بيقرر الملاك نيكولاس يصير إنسان في سبيل الحب! بس للأسف بعد يوم واحد من تذوق طعم الحب بتموت حبيبتو اللي كرمالها تخلى عن كل مزايا الملاك و صار انسان.!
ولما بيجي صديقو الملاك السابق و بيسألو إذا كان ندمان انو صار إنسان؟ بيرد عليه:

I would rather have had one breath of her hair, one kiss of her mouth, one touch of her hand, than eternity without it هيي صحي النهاية حزينة، بس انا مع أياد بالحفاظ عنفس النهاية، لأنو الفكرة الأساسية من الفلم أنو البطل و بعد اللي صار، ماانو ندمان أبدا، وانو نفَس واحد من شعرا،قبلة وحدة، ولمسة وحدة من إيدا عندو أفضل من كل الأبدية بدون هيك أشياء

ماجملكم احبتي
متفرجين ومخرجين