.........

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

2 مشترك

    " حن وآنا حـــــن"

    شادي
    شادي
    مشرف عام


    ذكر عدد الرسائل : 684
    العمر : 41
    مكان الإقامة : سلمية
    تاريخ التسجيل : 17/02/2008

    " حن وآنا حـــــن" Empty " حن وآنا حـــــن"

    مُساهمة من طرف شادي الأحد ديسمبر 21, 2008 11:29 pm

    لكل عشاق الأغنية العراقية أقدّم لهم أغنية للفنان العراقي " ياس خضر" من كلمات الشاعر الكبير " مظفّر النوّاب " وألحان " طالب القرغولي"..

    اسمعوها من هنا
    شادي
    شادي
    مشرف عام


    ذكر عدد الرسائل : 684
    العمر : 41
    مكان الإقامة : سلمية
    تاريخ التسجيل : 17/02/2008

    " حن وآنا حـــــن" Empty كلمات القصيدة للشاعر " مظفر النواب "

    مُساهمة من طرف شادي الأحد ديسمبر 21, 2008 11:37 pm

    حن وأنا حن

    و انحبس ونة ونمتحن

    مرخوص بس كت الدمع

    شرط الدمع حد الجفن

    ...

    جفنك جنح فراشة غض

    و احجاره جفني و ما غمض

    يال التمشي بيا ويا النبض

    روحي على روحك تنسحن

    حن بويه حن

    حن عمي حن ...

    ..

    ..

    عيونك زرازير البراري

    بكل فرحها بكل نشاط

    جناحها بعالي السحر

    و الروح مني عوسجة بر

    ما وصل ليها الندى

    و لا جاسها بقطرة المطر

    وصفولي عنك يالنباعي تفيض

    و تعليت ليلة ويا القمر

    وصفولي عنك كل مسامة تفيض منك عطر

    يالحسنك نهر..

    تنزل بصدري ويا النفس

    و بدمي غصبن تنعجن

    و أشهق و اصعدك للسما

    بحسرات و بعنة حزن

    حن.. حن بوي حن

    ..

    **********

    شفافك ولا كولن ورد .....

    عنابه معكودة عكد

    تمتلي بكد ما تنمرد

    لا هي دفو ولا هي برد

    أنا بوصفها راح اجن

    حن بوي حن

    ***************

    سكتاتك تشكل خواطر بالقلب ...

    مالي عرف بيهم كبل

    مبروم برم الخياط يا ريان

    و الخوصر خصر لف العقل

    كل كلمة منك ...

    نبعة البردين .. بالدلال ...

    ما تحمل ثكل

    وصفولي عنك

    وردة من قداح ريش جناح

    زاهي بالسحر

    وصفولي عنك

    شال منك غيظ بستان الورد

    والنرجس الرايج سكر

    حنو طواريز ولحن ...

    و حنة حمامات السجن

    حنة إلي ...

    و حنة إلك ...

    واللي يعجبه خلي يحن

    حن بويه حن

    *************

    آنه من أشوفك

    يمتلي الماضي الجدب

    زهرات بيض من الوفه

    وروحي سواجي من الحنين تصير

    وأتنبه وكت بيها غفه

    يا محجل إن مريت بيه ردود

    أرد أردود بالعشرين ....

    من عمر الجفه

    وأنصف عمر منك

    فما أنصفت إلا بالهجر ...

    والهجر منك ما كفه

    حتى الهجر يا روحي

    منك ما كفه

    وكلبي عله هجرك دوم يحن

    حن ...

    وآنه حن

    وأنحبس ونه ...

    ونمتحن

    مجبور أرخصك على الدمع

    شرط الدمع حد الجفن

    من موقع أدب
    ماهر سيفو
    ماهر سيفو
    عضوماسي
    عضوماسي


    ذكر عدد الرسائل : 122
    العمر : 49
    مكان الإقامة : نيويورك-شلالات نياغارا
    تاريخ التسجيل : 08/11/2008

    " حن وآنا حـــــن" Empty رد: " حن وآنا حـــــن"

    مُساهمة من طرف ماهر سيفو الثلاثاء ديسمبر 23, 2008 2:03 am

    يسلمو شادي!
    كتير رائعة، وفيها قمة التحدي كمان!

    ماهر

      مواضيع مماثلة

      -

      الوقت/التاريخ الآن هو الثلاثاء مارس 19, 2024 7:11 am