الكازينوهات (المقاصف ) ظاهرة لا أخلاقية أم وسيلة ترفيهية

انتشرت في الأعوام الأخيرة ظاهرة الكازينوهات والمقاصف المجاورة لبلدتنا ذات التاريخ العريق حتى بات السؤال الأول الذي يتبادر اللى ذهن سائلك عندما يعرف أنك من سلمية هو عن أحد أسماء هذه الكازينوهات ومع أنك تفاجئ بأنك أنت ابن البلد لم يسبق أن تعرفت على هذه المواقع ( السياحية ) يبادر الشخص نفسه ليسرد لك قصتها ومتى انشأت ومن القيمين عليها وكم مرة سهر السؤال ه سيأتي اليوم لتصبح هذه الأمرو هي الأستدلال الأبرز عن مدينتنا أمام واقع التمييز الذي نشهده من المحافظة والتي المفروض أن تكون هي الأم الراعية لعقول شبابنا وليست الوسيلة لاستنزاف عقولهم وأوقاتهم ومدخرات أعمالهم وهنا نسأل اذا كان بناء بيت خالف قوانين البناء الجديدة يستلزم كل هذا القمع فماذا يستلزم استزاف طاقات شبابنا وأين هم مسؤولوا بلديتنا الأكارم من هذه الأمور ودمتم

ياشباب بيقول المثل فالج لاتعالج اصلا الاخلاق هي اخر شغلة صارت بتهم البشر انا بتضامن معكم كتير كتير لكن ماحدا بدو يسمع

من الواضح أن أهل سلمية من أشد المعارضين لوجود هذه المقاصف، ولا يخفى على أحد أن معظم روادها هم من الغرباء ولكن....كلما حاولت الجهات الأهلية وحتى البلدية (كما سمعت) السعي للحد منها كلما انتشرت هذه المقاصف أكثر فأكثر...يبدو أن الكلمة الأخيرة هي لمن يهمهم وجود هذه المقاصف، وبالتالي فإن أهل سلمية منها براء.

شكرا لمروركم جميعا

مشكووووووووووووووووووووووووررررررررررررررررررررر
أخ مؤيد [/center]

كلام صحيح .......
لا يمكن أن اعتبر المقاصف الموجودة في مجتمعنا وسيلة ترفيه ....... إنها ظاهرة غير أخلاقية وبكل جدارة
ولكن هناك الكثير من الأماكن التي نتشر فيها مثل هذه الأماكن .......
ريف دمشق مثلاً .......
وفي حمص ......... الرستن ......
أرى هنا المسؤولية واقعة على الجميع ....... من مسؤولين وأصحاب لهذه الأماكن القذرة ...... ومن يعمل بها ......
والقذرون في المجتمع كثيرون ........ لا بد من وجود أمكان تجمعهم ...... وتشبههم في قذارتها
وفي النهاية يقول المثل " رزق الهبل عالمجانين "
شكراً ...... مع كل محبتي

في البداية اسمحوا لي أن أسمي هذه المقاصف.. بيوت دعاره
ان قلة الوعي أحد أسباب الانجراف خلف هذه النوعية من المقاصف التي لا قيمه لها الا زيادة رصيد المستفيدين منها والأضرار بسمعة البلد المقامه عليها
وللاسف الشديد بعض المقاولين هم من ابناء بلدنا وبعض الزوار وان كانوا قله من أبناء بلدنا ايضا
لذلك يجب علينا أن نكون خط الدفاع الأول والأخير عن سمعة بلدنا ومحاربة هذه النوعية من الرذيلة
شكرا لك مؤيد لطرحك هذا
تقبل تعليقي

تلك المقاصف كيف ما كانت طبيعتها فهي لا تؤثر في الجيل الذي تربى تربية صحيحة ... و أهل سلمية الكرام أبرياء من تلك البيوت .............

هام جدا

بالفعل والخطر لا يتوقف عند المرتادين وانما اهالي المنطقة

كثرة السرقات وقطع الطرق والتهديد بالسلاح لتشليح الناس المتور او المصاغ من المراة او المصاري ثم يذهب الى الحرامي بهذه الاموال التي سرقها ولم يتعب بجنيها الى بيوت الدعارة والرقص وشرب الخمر والملذات الشخصية ولا احد يستطيع ان يقنعني ان الفقر سبب السرقة لان الحمد لله الوضع الاقتصادي بشكل عام للاحسن ومن يريد ان يعمل ويكسب كسب مشرف يستطيع ولكن الحرامي حرامي واكله حرام وان فطس الى جهنم وبئس القرار

إنه لشيئ مخجل أن تكثر بيوت الدعارة وما تسمى المقاصف للأسف الشديد كل التصاريح تأتي من فوق فوووووق وكل شي بامصاري بيصير بس لازم نحنا شعب سلمية يكون إلنا موقف واضح وصوت عالي ضد هالقذارة اللتي تلوث أطراف بلدتنا الغالية..... وشكرا

شكرا لكل الي ساهموا بردودن عالموضوع بري الشرقي أياد زركافا خالد حازم سوسنة أبو الليل المنافس أرتيست حسين الملوحي محمد دخيلل بتشكركن كلكن وخلونا نصر عالتغير

اصبح من كل من يريد ان يمتهن هذه المهنة يقوم بالاتجاه الى سلمية وكانها اصبحت بؤرة لاعمال قذرة كهذه
ولكن الملوم الاكبر على هذا من يتولى منصبا من ابناء سلمية وبالدرجة الثانية ابناء سلمية انفسهم
حيث تجد من الطبيعي ان يكون جارك من هذه الاشكال دون ان تعترض
وكلمة اقولها من دون ان يزعل احد
وصلنا الى مرحلة الخجل من ان نقول اننا من سلمية عندما يسالنا احد
بسبب سمعة وتصرفات بعض ابنائها خارجها او حتى داخلها
احترامي للجميع

لاحدا يخجل ؟
الموضوع اكبر من هيك بكتير
اصحاب المقاصف بشكل عام هم من الناس اصحاب المكانات الرفيعه في البلد ولا تفكروا انو ممكن لشخص عادي (مانو مدعوم)يفتح مقصف
انشالله مفكرين انوا المقصف بيطالع 10000 ليرة باليله
اقل مقصف عندو عشرين بنت وكل البنات من هالبلد مشان ماتزعلو ومو بس هيك صرنا عم نصدر رقاصات الى المناطق المجاورة

بنرجع للحساب كل بنت اجرتها باليله الواحدة 2500 ليرة مقطوعه يضاف اليها المجهود الخاص؟؟؟ يعني المهارة في اخراج آخر ليرة من جيبه الزبون
يعني عشرين بنت ضرب 3500 يساوي 70 الف هادا للراقصات فقط
معنا هالحكي مومين ماكان في يرخص مقصف
والزبائن الكرام كلها حراميه ورجال اعمال ؟؟
وعل فكرة اذا بدو واحد فينا يرخص لصب سطح منزل 60 متر ليسكن في مع ولادو بدو معامله طويلة عريضة وبوس ايادي
اما جرب ترخص لفتح مقصف سياحي ؟؟؟
باسبوع واحد بيكون كلشي تمام وميه واحد بدو خدمه للشباب الطيبه

يسلم تمك يازاركافا

تعبت من القراية

الموضوع يأخواني الأعزاء أنو صار لازم نحكي بصراحة,,,,,,
هيك أشياء بدها رادع ليمنعها ويوقفها,رادع ديني أو أخلاقي أو إجتماعي أو حتى تاريخي.
بس ببساطة,, للأسف ولا واحد منهن موجود فعلاً ليقدر يوقف هالفضايح اللي عم تصير,,,
والله عيب,,,

اولاً صباح الخير للجميع
أخوتي صحيح أنني لست من السلمية ولكن يحزنني كثيرا أن يلطخ إسم هذه المدينة العزيزة وان يرتيط اسم سلمية الفكر بسلمية المقاصف والدعارة
يجب علينا محاربة هذه الظاهرة وعدم السكوت عنها تعرفون لماذا؟؟؟؟؟؟؟؟؟
سوف اتكلم بصراحة ومن دون خجل:
قبل ظهور هذه الظاهرة وعندما كانت الرستن معروفة بمقاصفها ........ كنت اسمع من الكثيرين ان / البنات / اللذين يعملون في هذه المقاصف هم من السلمية وكلنا يعرف سبب هذه الإشاعات وللأسف وهذا ليس بالشيء الجديد أو المستحدث فكلنا سمع ماذا يقال عن هذه المدينة واهلها من أقاويل وإشاعات
هذا في الأمس القريب ................... فكيف اليوم وقد أصبحت المقاصف موجودة فعلا في قلب المدينة
كاننا نقول للعالم أجمع ............ كلامكم صحيح وان هذه المدينة بلا شرف ولا أخلاق
وهذه المشكلة سوف تكبر وتكبر مع مر الأيام وسوف تصبح علامة ليس فقط لمدينة السلمية ولاهلها ولكن للأسف ......... للطائفة الإسماعيلية ككل
وشكرا

مع احترامي لرأيك زاركافا ولتأييد اياد اله بس فيني قلك انه كلام فيه كتير شغلات مو واقعية لأنه أغلب أصحاب المقاصف والكازينوهات عنا معروفين لانن مسؤولين ولا شي من هدا الحكي يمكن بالكتير يكونوا أمنولن شي واسطة مشان التراخيص ومعروفين بالأسم واذا حبيت فيني اذكرلك ياهن أما بالنسبة للأخ أغيد كمان بحب قلك انه غلطان بتعبيرك اللي بتقول فيه انه البنات اللذين يعملون هنه من سلمية وبالدليل انه اذا سألت عن البنات اللي بيعمله بمقاصف سلمية مافي حدجا من اهل البلد وحتى على مستوى روادها قلله قليلة اللي بزوروها وأغلبن من الأرياف البعيدة عكل مشكورين كتير عتعليقاتكن

صديقي العزيز زاركافا بالداية أنا اللي لازم عايد عليك وقلك كل عام وانت بألف خير وغقبيل المية أما أنا بتشكرك عالمعايدة ولو انه مو عيد ميلادي هدا شخص تاني اسمه مؤيد عكل أنا لاحد هلق ما مر علي اسم بنت بتشتغل بمقصف الأ نادرا والأغلب بتكون أصولن من خارج البلد ولكن ساكنين فيها من مدة أما أذا كان في عدد قليل فهدا شي لا يلزمنا بالشمولية وخصوصا أذا قارنته بنسبة سكان البلد اللي تجاوزوا تقريبا 120000 ألف نسمة ومشكور عتعليقاتك متل ماقلت ما بدنا ننشر شي بالغبرا لأنه بيتلوت

استاذ إياد مسا الخير هيدا اولاً وبالنسبة لتعليقك بس حبيت قللك إنك ما فهمت شو بقصد لاني بغض النظر عن مين بيشتغل بالمقاصف وانا ما عندي فكرة عن هالشي بس كنت عم قول إنوو من دون وجود هالمقاصف ما كانت السلمية ولا اهلها خالصين من الحكي ......... فكيف مع وجودها فعلاً شو بدو يصير ..... يا خيي فكرو بالمستقبل البعيد والله لتصير العلامة الفارقة ( يعني أول ما بتقول الرستن بسرعة بيروح ذهنك للمقاصف والسهرات الحمرا ) للاسف هيك بدو يصير وأكتر
وشكرا

بعام 2006 انفتح نفس الموضوع بمنتدى المعرفة الريفية تبع سلمية ونفس الحكي والحماس ومافي فايدة
انا برأيي عملو عصابة مع كم عصاية وروحو طربقو الدنيا على راسن بس مو تروحو تعجبكن القعدة هيك مامنستفاد شي ويلي عم يحكي عن الغسيل مشي الحال من زمان ماتقلق كتير على النضافة ويلي عم يطالب بمصادرت المتورات ياعمي حرام حليك بكرا بدقو بهالدكنجية يلي طالعن يسترزقو الصبح او شي ختيار ماحيلتو غيرو او شي رب اسرة مشتري بطلوع الروح والصايعين والمراهقين والوليدات الحريفين بينفدو بجلدن
الدنيا مطعوجة حاجة تنطحو حيطان والمشاكل بكل محل ودخيلكن ويكون في مقاصف انشالله تكون اعظم المصايب هي بكفي هالشباب يلي عم يموتو انا كل اسبوع عم اسمع بشي مصيبة برأي كل شخص يتوكل بعيلتو واصدقائو بيمشي الحال

فعلا الموضوع لازملو حلا بأقصى سرعة من قبل المسؤولين بسلمية

يعني غيث بتأيد العصي شفتو قلتلكن مالكن غير هالحل قول بالكتابة كلنا شاطرين فيا منكتب ولايهمك

طبعا يا ام شمس بأيد الحل مع انو مو حضاري بس للضرورة احكام

الجهل والتخلف هني السبب بانتشار هالظاهرة البشعة ..
واللي عندو اخلاق مارح يروح هيك اماكن ،الله يستر والجاي اعظم ..

نيرودا انا عم اقلب الموضوع لمزح لانو مالو حل بتعرف ليش لانو حلو رح يضل كلام وعلى ورق والنظريات عنا مابتطبق
انا ماعم احكي عن عبث انا بعرف شو عم قول كل موضوع بينفتح هون بيكون منحكى فيه لسنوات كتيرة وانا كنت بمجال قريب للتنفيذ وكنت حس حالي متل يلي حاطينلو حبل مصنوع من مطيط وانا عم شد بهالحبل والحبل برجعني لانو بعد نفخت القلب بالتنفيذ بتشوف حالك بالميدان وحيد لدرجة قاتلة وهيك بتجيك هبة شعور بالغباء
بس متل مابدك حط حلول وبعدين عند التنفيذ ردلي خبر شو بصير واحلى على قلبي من العسل لمى بشوف بلدنا واهلا بلا مشاكل وقمة بالحضارة

إذا الجهات المعنية لم تتدخل لحل هذا الموضوع من جذوره فالكلام لن يفيد فيه وهناك كثير من الاعتراضات على عدة أمور ولكن ذهبت أدراج الرياح لأنها تضر ببعض المصالح (الخاصة) والتي نحن بغنى عن ذكرها لذلك يجب التوجه للجهات المعنية بطلب رسمي لإيقاف هذه التفاهات وإنقاذ سمعة بلدتنا الغالية.

هذا شي أكيد
أنا معك أخ مؤيد