غزة النازفة تستحق انتفاضة جديدة(شعر محكي)

إ نتفـــــــاضة
(إهداء إلى غزة)
وقع المطر ع الورقة بلل حرفا وفل ....
مكتوب ع سطورا مش واضحة الحروف
يمكن وصية للعرب تعمل أصابعها دهب
لولاد عم تنزل .......
* * *
وقع المطر وحجار عم يقلع عيون الغريب
وبي قلّعُن برصاص عم يكتب على صدورُن
ما في حدا غيرُن بها لطرقات
رح يبكي وينعل ......
* * *
ياناطرين جيوش ........ وينُن ؟؟
شو قولكُن طوّلو بسهرتُن ونامو ضحاوي حد إجرين العروش
وبقيتو عم تشيلو على كتاف النعش .. كل النعوش
وين البواريد ؟؟؟ ....
وعم نقتل بعض ع طاولي كلاّ حكي
في إيد عم ترفع نصر وفي إيد عم تحفر قبر
وفي إيد عم تكتب نهايتنا وبتوقع وراق الذل
* * *


بي حضن بيّو صدرو خزق رصاصُن
وسجّل يا زمان
كل اللي شافو جثتو قالو :
كأنّو جبال من الحجار كأنّو شي دالية صبّار
كأنّو صرخ قبل مايفوت ع النسيان
لا تركع يا بي ّ أنا طير الحمام
تقوس قبل ما يغط ع الرمان
تذكر يابي وتذكرو ما في بلد بتقوم ع العمدان
هيدي البلد بدها دم تايركع السجان
هيدي البلد بدها النبي ....وأبو ذر ....ولمة الخلاّن
وإيدين علي الـ كسّرت خيبر البيبان
الْ حْملت ع زندا طفل ....
تا يوقع بيافا البرتقان
********************