منع سير الدراجات النارية في سلمية

    شاطر
    avatar
    شادي
    مشرف عام

    ذكر عدد الرسائل : 684
    العمر : 35
    مكان الإقامة : سلمية
    تاريخ التسجيل : 17/02/2008

    جديد منع سير الدراجات النارية في سلمية

    مُساهمة من طرف شادي في السبت يوليو 04, 2009 1:16 am

    صحيفة تشرين
    السبت 4 تموز 2009
    أرواد قطريب

    مشكلة الدراجات النارية وازدياد عدد الحوادث والوفيات في سلمية خلال الشهر الماضي كانت المحور الأهم في اجتماع لجنة السير الذي عقد في سلمية بحضور العميد طلعت سلام مدير المنطقة وتم التوصل إلى قرار بمنع مرور الدراجات النارية في الشوارع الرئيسية وتكليف أعضاء لجنة السير ولجان الأحياء لمعرفة أسماء سائقي الدراجات النارية ممن يتصفون بالرعونة والتهور ليصار إلى اتخاذ الاجراءات القانونية الحاسمة بحقهم حفاظاً على سلامة وأمن المواطنين.

    ويأتي هذا القرار كحل اسعافي لمشكلة هي الأخطر في سلمية بحيث لا يكاد يمر يوم دون وقوع حادث يذهب ضحيته شاب أو أكثر.



    وبالنسبة لشارع الثورة الذي اتخذت اللجنة سابقاً قراراً بجعله باتجاه واحد تم ابقاء العمل بهذا القرار مع اجراء استبيان عام لأخذ آراء المواطنين حول هذا الأمر وذلك لكثرة الاعتراضات والاحتجاجات الكثيرة من قبل التجار وأصحاب المحلات في شارع الثورة لانخفاض مستوى البيع والشراء باعتبار أن الشارع هو الممر الوحيد إلى قرى وريف سلمية الشرقي. ‏

    كما ناقش الاجتماع معاناة النقل الداخلي من حيث نقص عدد الركاب وضرورة تجمع جميع وسائط النقل التي تخدم القرى في مركز الانطلاق الجنوبي اضافة إلى مشكلة مكاتب التكسي غير المرخصة ووافقت اللجنة على وضع مطبات أمام المدارس وفي الشوارع ذات التقاطعات الخطرة والمخفية وإزالة جميع المطبات غير النظامية. ‏


    _________________
    أنا وحبيبي صوتان في شفةٍ واحده....
    أنا لحبيبي أنا. وحبيبي لنجمته الشارده...
    avatar
    سمر
    عضو نشيط
    عضو نشيط

    انثى عدد الرسائل : 41
    العمر : 32
    مكان الإقامة : سلمية الحبيبة
    تاريخ التسجيل : 10/05/2009

    جديد رد: منع سير الدراجات النارية في سلمية

    مُساهمة من طرف سمر في السبت يوليو 04, 2009 2:30 pm

    مرحباً شادي

    شكراً على هذا الخبر الحلو كتير
    وانشاء الله بتخف الحوادث عنا
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 37
    مكان الإقامة : دبي
    تاريخ التسجيل : 24/04/2009

    جديد رد: منع سير الدراجات النارية في سلمية

    مُساهمة من طرف أم شمس في السبت يوليو 04, 2009 3:45 pm

    في مطب بشارع المساكن التاني مرة شفت طرطورة طارت شي خمس متار لقدام وحطت بكل ثقة وتابعت بكل جرأة تحت ظل اندهاش اصحابها ياجماعة المطبات بسلمية شي متل الكذب خرج نحط كميرا خفية تصور العالم يعني بما انا بتعمل حوادث اكتر ماتمنعا

    حسين الملوحي
    عضو ذهبي
    عضو ذهبي

    ذكر عدد الرسائل : 54
    العمر : 35
    مكان الإقامة : المملكة العربية السعودية
    تاريخ التسجيل : 30/05/2009

    جديد رد: منع سير الدراجات النارية في سلمية

    مُساهمة من طرف حسين الملوحي في السبت يوليو 04, 2009 4:04 pm

    المتور يا احباب لا يمكن الاستغناء عنه لاهالي المدن الصغيرة والقرى والمناطق الزراعية

    ويكاد لا يخلو بيت من متور او اثنين

    انا اقترح ان يوضع للمتور نمرة مقيدة عند مديرية المنطقة في حال حدوث اي حادث من قبل صاحب المتور مثل دحم او سرقة او غير ذلك تفيد النمرة في التعرف عليه
    avatar
    زاركافا
    عضو بلاتيني
    عضو بلاتيني

    ذكر عدد الرسائل : 309
    العمر : 41
    مكان الإقامة : سلمية
    تاريخ التسجيل : 12/12/2008

    جديد رد: منع سير الدراجات النارية في سلمية

    مُساهمة من طرف زاركافا في السبت يوليو 04, 2009 4:52 pm

    المشكله ليست دائما هي الدراجه بقدر ماتكون المشكلة في سائقها؟
    شويه وعي مع شويه احترام للطريق وسالكين الطريق اعتقد يحل جزء كبير من المشكله؟

    iyadfl
    عضو بلاتيني
    عضو بلاتيني

    ذكر عدد الرسائل : 418
    العمر : 40
    مكان الإقامة : المملكة العربية السعودية
    تاريخ التسجيل : 23/02/2009

    جديد رد: منع سير الدراجات النارية في سلمية

    مُساهمة من طرف iyadfl في السبت يوليو 04, 2009 7:10 pm

    المشكلة متل ماقال زاركافا
    وانا بيتي على شارع رئيسي وعانيت من المتورات كتير والمشكلة كانت دائما من الرعونة والشخرات والى اخره من المظاهر المميزة للمتور السلموني وبالمقابل كان في ناس بتمر بكل احترام من الطريق حتى يكاد لايحس بها احد
    اذا المشكلة بالبشر وليس بالحجر

    المنافس
    عضوماسي
    عضوماسي

    ذكر عدد الرسائل : 105
    العمر : 45
    مكان الإقامة : السعوديه
    تاريخ التسجيل : 24/05/2009

    جديد رد: منع سير الدراجات النارية في سلمية

    مُساهمة من طرف المنافس في السبت يوليو 04, 2009 10:11 pm

    المشكلة ما لها حل الا بمنع المتورات نهائيا
    لأنو أغلب سائقي المتورات من المراهقين ...يعني ما بيسمع الكلمة ولا بيتعلم
    وصحيح أنو بعض الناس بتسوق ومحترمة الطريق بس المشكلة صارت أكبر وأخطر وأي قرار ممكن يضر بعض الناس لكن نحنا بدنا المصلحة العامة
    بدنا سلمية هادية وخالية من الحوادث والمصايب
    وقرار منعها من الشوارع الرئيسية قرار مانو حكيم لأنو بيزيد الضغط على شوارع الأحياء المليانة اولاد
    والحل بالنقل الداخلي المنظم بحيث يغطي كل مناطق المدينة بطريقة صحيحة
    وعندي سؤال
    يعني اذا امنعت المتورات نهائيا رح توقف الدنيا

    iyadfl
    عضو بلاتيني
    عضو بلاتيني

    ذكر عدد الرسائل : 418
    العمر : 40
    مكان الإقامة : المملكة العربية السعودية
    تاريخ التسجيل : 23/02/2009

    جديد رد: منع سير الدراجات النارية في سلمية

    مُساهمة من طرف iyadfl في السبت يوليو 04, 2009 10:34 pm

    المنافس انا لا اختلف معك في ماتقول لكن سيمر وقت طويل حتى يتحقق ماتقول
    avatar
    زاركافا
    عضو بلاتيني
    عضو بلاتيني

    ذكر عدد الرسائل : 309
    العمر : 41
    مكان الإقامة : سلمية
    تاريخ التسجيل : 12/12/2008

    جديد رد: منع سير الدراجات النارية في سلمية

    مُساهمة من طرف زاركافا في السبت يوليو 04, 2009 10:40 pm

    ليش اذا ربينا اولادنا بخرب الدنيا
    كل دول العالم فيها متورات
    ماسمعت انو الدراجات الناريه عم تسبب مشاكل بكثافة الا عنا
    انا رايح اجي معكن اذا منعنا المتورات ؟؟؟؟
    شوبدنا نعمل بتهور مراهقينا ؟؟
    حدا في يمنعو؟
    المشكله في قله التربية

    محمد دخيل
    عضو جديد
    عضو جديد

    ذكر عدد الرسائل : 13
    العمر : 45
    مكان الإقامة : جدة - السعودية
    تاريخ التسجيل : 23/05/2009

    جديد رد: منع سير الدراجات النارية في سلمية

    مُساهمة من طرف محمد دخيل في السبت يوليو 04, 2009 11:12 pm

    ما حدا يناقشني لازم يمنعو المتورات اللي مو مرخصة وبس
    لأنو اللي بدون ترخيص عم يوصل للي ما خلق شي بيخطو شويربو بدو يركب متور ولما بيكون في ترخيص ولوحة رسمية بيكون في رخصة قيادة لأعمار فوق المراهقين متل كل بلدان العالم ومن شان ما نفكر كتير بحلول غير صحيحة وندخل المتور لأحيائنا الضيقة وتصبح الحوادث على أبواب المنازل...
    وشكرا
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 37
    مكان الإقامة : دبي
    تاريخ التسجيل : 24/04/2009

    جديد رد: منع سير الدراجات النارية في سلمية

    مُساهمة من طرف أم شمس في الأحد يوليو 05, 2009 8:07 am

    اذا انمنعت المتورات بيصيرو المراهقين يشفطو على البسكليتات وبيصيرو عباقرة ليلاقو طريقة يعملو فيا ضجة
    لهيك انا بأيد زاركافا شوية ترباية وكم قانون يفرض هالترباية بيمشي الحال

    روح المحبة
    عضو ذهبي
    عضو ذهبي

    انثى عدد الرسائل : 50
    العمر : 34
    مكان الإقامة : ]دمشق
    تاريخ التسجيل : 01/06/2009

    جديد رد: منع سير الدراجات النارية في سلمية

    مُساهمة من طرف روح المحبة في الأحد يوليو 05, 2009 9:06 am

    معكم حق بكل ما كتبتوه
    ولكن قبل توعية وتقديم النصيحة للمراهقين
    يجب ان ننصح الاهل فهم الملامون بالدرجة الاولى
    لانهم هم الذين يقومون بشراء نعوش ابنائهم بانفسهم
    واسمحوا لي بتسمية المتورات بالنعوش
    لانها فعلا كذلك
    فلو التزم كل اب او ام بعدم تلبية هذا المطلب لابنه لاستطعنا عندها
    حصر قيادة المتورات بمن هو راشد وعاقل وغير متهور
    تقبلوا مروري
    avatar
    زاركافا
    عضو بلاتيني
    عضو بلاتيني

    ذكر عدد الرسائل : 309
    العمر : 41
    مكان الإقامة : سلمية
    تاريخ التسجيل : 12/12/2008

    جديد رد: منع سير الدراجات النارية في سلمية

    مُساهمة من طرف زاركافا في الأحد يوليو 05, 2009 5:16 pm

    بالنسبه الي شخصيا
    الله لايردو كلشي بيموت على متور (طبعا فقط المتهورين)
    avatar
    Hazem90
    عضوماسي
    عضوماسي

    ذكر عدد الرسائل : 174
    العمر : 27
    مكان الإقامة : سلمية
    تاريخ التسجيل : 06/03/2009

    جديد رد: منع سير الدراجات النارية في سلمية

    مُساهمة من طرف Hazem90 في الأحد يوليو 05, 2009 6:23 pm

    بضم صوتي لصوتك زاركافا
    مع أني اتمنى ان يتحلى أهالي هؤلاء المتهورين من الشبان
    بقليل من المسؤولية تجاه أبنائهم

    نيرودا
    عضو نشيط
    عضو نشيط

    ذكر عدد الرسائل : 43
    العمر : 40
    مكان الإقامة : سلميه
    تاريخ التسجيل : 06/03/2009

    جديد رد: منع سير الدراجات النارية في سلمية

    مُساهمة من طرف نيرودا في الثلاثاء يوليو 07, 2009 1:25 am

    مرحبا ياشباب
    لازم تكولوا بالكم شوي ..
    اللي عم يروحوا هني شبابنا ..
    وممكن يكون واحد ملتزم كل ادبيات القياده بس يطحشوا شي واحد غبي ومتهور ..
    للي ماعندو علم بانه في سلميه من تاريخ 1\3 حتى 30\4\2009
    11شاب توفوا بحوادث
    وفي الاشهر السته الاولى 23 شلب توفوا اكبرواحد عمره 37سنه
    و112 اعاقه يعني اصابات دماغيه واللي مو مصدق ممكن اعطيه اسماء انا مسجل كل الحوادث
    يعني عنا اكتر من انفلونزا الخنازير اللي البشريه مرعوبه منو ...
    الحلول المقترحه واضحه زوجريئه ..بس ماحدا داير
    ممكن تنمير الموتورات بشكل مؤقت في سلميه يكون حل وبينعرف المخل ووومكن يتعاقب وينسجن حتى ومنشان مانضحك على حالنا مين رح يفكر بهالقرار طالما الشرطه مستفيده والتاجر مستفيد والمهرب مستفيد واكتر حدا رح يتضرر
    والدوريات اللي بتجيسلميه وتعمل حملى مصادرات هي فاشله مسبقا لأنه قادره على مصادرة موتور لواحد ختيار ..واحد عم يوصل مرتو والاده.واحد محترم حالو ..أما الشقلعي ) ماحدا فيه يمسكوا ....وكلنا بنعرف هالحكي

    شبابنا بنضل نلوم شبابنا .....خلونا نلاقي محل كمان يفرغوا فيه طاقاتهم
    عنا نادي متل العالم ..عنا مقهى ..عنا كافتيريا ...
    بزمانه الشيخ زايد شكولوا التشفيط بالسيارات في مدينه العين واقترح المشتكين قاءئمة عقوبات...فرد عليهم اعملوا نادي لسباق السيارات ومهارات القياده
    الله لايضر حدا بس هي الحوادث اي حدا منا معرض الها ..اللي راكب موتور واللي راكب سياره واللي ماشي بالشارع
    وبسلميه المتور ضروره لأنو مافينا نشتري سيارات
    ولو واحد فيه يشتري سياره ...بتتقرقع من اول شهر بسبب جودة الطرقات

    ربما اطلت كثيرا لكن اعذروني انا اعمل في مجال علاج المتضررين من الحوادث ..وعم شوف شغلات اللي لايصيب حدا بتعرفوه بمكروه ..
    ولكن الحلول الجديه عم تمر من تحت الاطاوله وماحدا عاطيها اهتمام ..
    والحلول الاهليه بمشكله مستعصيه متل هيك بتكون رديفه وثانويه مو اساسيه طالما مافي قانون يحكم المخالفين في الدراجات ..
    بدها مشاركة الكل ..
    الاهل والمدرسه والجمعيات والمخاتير والشرطه والبلديه



    تقبلوا محبتي ..
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 37
    مكان الإقامة : دبي
    تاريخ التسجيل : 24/04/2009

    جديد رد: منع سير الدراجات النارية في سلمية

    مُساهمة من طرف أم شمس في الثلاثاء يوليو 07, 2009 6:32 am

    نيروادا مشكور كلامك منطقي
    بدي اسألك بما انك بتعمل مع المتضررين من الحوادث ابني بيضل يعمل حوادث سير وبيوقع على راسو دائما شو بعملو لاماعم امزح عمرو سنة وشهرين وعم يركض ويتعشبق على الطاولات والكنبايات وبيوقع كتير راسو صار هضاب وجبال ايمتا لازم خاف عن جد او اخدو على طبيب ومافيني هدي كتير حرك طبعا دائما في احتياطي تلج وانا متوترة 24 ساعة مشان وقعاتو

    نيرودا
    عضو نشيط
    عضو نشيط

    ذكر عدد الرسائل : 43
    العمر : 40
    مكان الإقامة : سلميه
    تاريخ التسجيل : 06/03/2009

    جديد رد: منع سير الدراجات النارية في سلمية

    مُساهمة من طرف نيرودا في الأربعاء يوليو 08, 2009 2:32 am

    مرحبتين ام شمس ..
    بالنسبه للصغير الله يخليه ..
    وهو اكيد خارج الموضوع ..بس ولايهمك ..كونه طفل رح يضل يوقع وانت ماعليك الا الحذر وابعاد الاشياء المؤذيه عن تناوله قدر المستطاع ..
    (مثلا عدم وضع المكوايه بمكان يصل اليه او ابريق ماء مغلي ..او ادوات زجاجيه )
    ومحاولة عدم شطف البيت الا وهو نائم

    اما عن التسلق اتركيه يعرف بنفسه ويكتشف فكل محاولاتك لمنعه ستزيد رغبته بالاكتشاف


    تقبلي تحياتي

    سلماس
    عضو جديد
    عضو جديد

    ذكر عدد الرسائل : 6
    العمر : 45
    مكان الإقامة : السعودية
    تاريخ التسجيل : 06/07/2009

    جديد رد: منع سير الدراجات النارية في سلمية

    مُساهمة من طرف سلماس في الأربعاء يوليو 08, 2009 8:23 pm

    سمعنا الاقنون وما تطبق منو شي عالقليلة لوقت اللي كنت موجود هنيك قبل كم يوم
    الحل هو ترخيص كل الموتورات الموجودة وفرض استخراج شهادات سواقة وتكون التكاليف بسيطة خلال مهلة محددة وهيك بينقضى على ظاهرة الموتورات المهربة وبتصير الموتورات مثل السيارة نظامية وكل شخص مسؤول عن دراجته وحتى سرقتها بتخف مشكلتنا دوما مندور على الحل من الراس ومنترك سبب المشكلة الاساسي ومتل ما قالو الشباب فوق انو كمان التربية الها دور مهم بكل النواحي مو بس بشغلة الموتورات ولا السيارات لما بيتحدد مثلا عمر السائق وبينفرض يكون عليه شهادة وبيصير يتطبق عليه قانون المخالفات المرورية ... الخ بتصور بيكون الوضع أفضل...

    مشكور للخبر

      الوقت/التاريخ الآن هو السبت نوفمبر 18, 2017 4:45 am