شعر..
أحزان
لو كنت بقدر لوّن الأحزان
بريشة طفل موهوب أو فنان
و بيصير وقتا للحزن.. لونين
حزن وغضب أو حزن مع إيمان
و برجع كمان بلوّن الحزنين
و بضلّ عيد و تخلص... الألوان
بلكي يا ربي بينمحو الحزنين
و بتدوب هالريشة على الحيطان
و بلكي بعدها ما بتدمع ..عين
لأمّ.. مجروحة و طفل جوعان
و لأب مش قادر يوفِّي الدَّين
و ختيار عفراق الدِّني.. زعلان
و عاشق مخبّي الحبّ بالرّمشين
يلاقي الحب من الرمش هربان
و لشبّ رفقاتو صارو ...وين
تغرّب و بطراف الدني سرحان
لو كنت .....بقدر لوّن الأحزان
"المهندس جورج قزعور"
لو كنت بقدر لوّن الأحزان
بريشة طفل موهوب أو فنان
و بيصير وقتا للحزن.. لونين
حزن وغضب أو حزن مع إيمان
و برجع كمان بلوّن الحزنين
و بضلّ عيد و تخلص... الألوان
بلكي يا ربي بينمحو الحزنين
و بتدوب هالريشة على الحيطان
و بلكي بعدها ما بتدمع ..عين
لأمّ.. مجروحة و طفل جوعان
و لأب مش قادر يوفِّي الدَّين
و ختيار عفراق الدِّني.. زعلان
و عاشق مخبّي الحبّ بالرّمشين
يلاقي الحب من الرمش هربان
و لشبّ رفقاتو صارو ...وين
تغرّب و بطراف الدني سرحان
لو كنت .....بقدر لوّن الأحزان
"المهندس جورج قزعور"
