ناس
في ناس هَمّا تسرق الضحكة
من شفاف طفل وبَعد ما بيحكي
وفي ناس هَمَّا تزرع البَسمات
بقلوب صَرلا عمر ...عَمتبكي
وفي ناس بدها تكَنّس الحَبات
من البيدَر .....وخزّانها متكي
وناس بدها تجرُش القَمحات
توَزّع على جيرانها... بَركة
وفي ناس عشقت حالها بالذّات
بَعد النَّظَر ...بِ مَيّة البركة
وناس ..نَظمو شعر للسمكات
وعشقو المَيّ وخَزَّقو الشَبكة
وفي ناس بتصَلّي عَشر مرّات
وبتمشي مَع الشيطان بالشركي
وناس مَنّا حافظَة الآيات
والله عَطا أعمالها بَركة
وفي ناس عندا بَحر مَعلومات
بيمضى عليها العمر ما بتحكي
وفي ناس ..لو عندا بضع كلمات
بتقولن بوَقتن وشو حلوين
ان سرقو من رفاق العمر ضحكة
جورج قزعور
في ناس هَمّا تسرق الضحكة
من شفاف طفل وبَعد ما بيحكي
وفي ناس هَمَّا تزرع البَسمات
بقلوب صَرلا عمر ...عَمتبكي
وفي ناس بدها تكَنّس الحَبات
من البيدَر .....وخزّانها متكي
وناس بدها تجرُش القَمحات
توَزّع على جيرانها... بَركة
وفي ناس عشقت حالها بالذّات
بَعد النَّظَر ...بِ مَيّة البركة
وناس ..نَظمو شعر للسمكات
وعشقو المَيّ وخَزَّقو الشَبكة
وفي ناس بتصَلّي عَشر مرّات
وبتمشي مَع الشيطان بالشركي
وناس مَنّا حافظَة الآيات
والله عَطا أعمالها بَركة
وفي ناس عندا بَحر مَعلومات
بيمضى عليها العمر ما بتحكي
وفي ناس ..لو عندا بضع كلمات
بتقولن بوَقتن وشو حلوين
ان سرقو من رفاق العمر ضحكة
جورج قزعور