بواب

بواب

بِ هالدّني قَدّيش شفنا بواب
بواب العشق والبيت .. والأصحاب
بواب الكنايس والمَحاكم والسجون
بواب الحدايق والملاهي....والغياب


وكل باب فيهن من قَبل ما.. يكون
مخَبّى مشاعر ما وسعها كتاب
ومش هَمّ انّو مرَستَق ومَدهون
أو مهتري ..وعالشّمس لَونو غاب
أو مرَصَّع بِ دَهَب .......وفنون
أو معَتَب بِ لبن.......... وتراب


في بواب جوّاتا قَهر ... وعيون
نشفت دموعا عالحَبيب الغاب
وبواب جوّاتا حقد... وجنون
وبواب ما بتشفي عَطَش ال دياب
وبواب مفتاحا بقي.. مَدفون
ودَفنت بَشَر خَلفا بلا أسباب
وعالخبز في مفاتيح بَدها تمون
بوَقت المَجاعة والمَذلّة والعَذاب


وفي بواب خلقت تا المَحَبّة تكون
عنوان عا العَتبة اللي فوق الباب
ومشَرَّعة ومفتاحها.... مركون
وجوّاتها في خَير..... للأحباب
وعربَش عليها الشَوك والطَيّون
وبَعدا بتحمي شجرة العنّاب
وبَعدن صحابا بِ عَصر .. مَجنون
قَلبن بيحمل ود.... للأغراب


يا رَب باب البَيت بَدنا تصون
وتصَبّرو تا ينطر .....الغياب
الكانو براعم بِ زَمَن مَديون
ويا زَمَن شو نطَرنا دَفع الحساب
وتكون بِ أفعالهن مَفتون
ويبقوا مَتَل لَ كل أبن وغاب
وقلّن لأنّو بابكن..... مَعجون
بِ نشارة خَشَب مَع ريحة القربان
دَربكن عا طول العمر رَح ينساب


جورج قزعور

وعربَش عليها الشَوك والطَيّون
وبَعدا بتحمي شجرة العنّاب

جميل، شكرا لكلماتك.

شكرا لمرورك أخي العزيز خالد

وفي بواب خلقت تا المَحَبّة تكون
عنوان عا العَتبة اللي فوق الباب
ومشَرَّعة ومفتاحها.... مركون
وجوّاتها في خَير..... للأحباب
وعربَش عليها الشَوك والطَيّون
وبَعدا بتحمي شجرة العنّاب
وبَعدن صحابا بِ عَصر .. مَجنون
قَلبن بيحمل ود.... للأغراب
الله يا أخ جورج كلمات بسيطة غير منمقة تحاكي مشاعر كل إنسان
يا ليت جميع الأبواب كتلك التي ذكرتها في هذا المقطع وشكر جزيل على إحساسك

الأخ جورج
المجامله عندي تتوقف عند حدود النقد
لكن بقصيدتك هذه قد تجاوزت حدود النقد وفتحت ابوابا من الابداع
لك مني كل الاعجاب

لأعزاء المنافس روح المحبة أنا أشكركم وأعدكم بالمزيد وعلى فكرة أنا أكتب بالهام منشيء أسميه روح المحبة موجود في وجداني فشكرا روح المحبة ولكم أحترامي

رائع ما تكتبه
وفي بواب خلقت تا المَحَبّة تكون
عنوان عا العَتبة اللي فوق الباب
ومشَرَّعة ومفتاحها.... مركون
وجوّاتها في خَير..... للأحباب
وعربَش عليها الشَوك والطَيّون
وبَعدا بتحمي شجرة العنّاب
وبَعدن صحابا بِ عَصر .. مَجنون
قَلبن بيحمل ود.... للأغراب

شكرا لك ....... مع كل محبتي