حلم

    شاطر

    جورج قزعور
    عضو نشيط
    عضو نشيط

    ذكر عدد الرسائل : 20
    العمر : 55
    مكان الإقامة : حب نمرة
    تاريخ التسجيل : 03/06/2009

    حلم

    مُساهمة من طرف جورج قزعور في الأربعاء يونيو 03, 2009 6:33 pm

    حلم

    بذكر بليلة عالهدا.. غفينا
    لما العريشة مرجحت فينا
    وكنتي صَبيّة وشو كنت موعود
    انو العمر مش رح يكفّينا
    بدنا تلات عمار من الوجود
    تا نشبَع ونسقي امانينا
    ووقتا العشق ما ضلّ عندو حدود
    وربّان قلبي ضَيَّع المينا
    وحلمت انّو الزمن عَمبيعود
    وانّو الدني اعتذرت من سنينا
    والبيادر خير عَمبتجود
    والضّيَع غَنّت طواحينا
    والناس عمتزرع حضن الجرود
    والسواقي بحور تروينا
    وضعتي بسهل كبير كلّو ورود
    ولما لقيتك عالهَدا مشينا
    معَتّم البيت وفي تحت البدود
    سراج زيتو من روابينا
    وكل ما بردنا شوي نشلح عود
    بالموقدي ونارا تدفينا
    وتنورنا مشحتر جنابو سود
    وعالقن بهالليل شو وعينا
    والصّمد حدّو بالحبل مشدود
    بِ تينة ال عا قطرها ربينا
    وجرّة نحل مليان تمّا شهود
    عالقَطف بَعدو بعيد تشرينا
    خَلف القَصَب بَرميل بَدّو زنود
    تتكيه حتّى زيت يروينا
    ودن الخَمر بالزاوية مسنود
    ويا حلوتي منظَر.. بيغوينا
    شربنا وبالحلم نمنا لحتّى نعود
    نصحى عالدّني
    ويا....... ريت ما صحينا

    جورج قزعور
    avatar
    lala
    عضوماسي
    عضوماسي

    انثى عدد الرسائل : 170
    العمر : 35
    مكان الإقامة : سلمية
    تاريخ التسجيل : 26/12/2008

    رد: حلم

    مُساهمة من طرف lala في الأربعاء يونيو 03, 2009 6:39 pm

    شربنا وبالحلم نمنا لحتّى نعود
    نصحى عالدّني
    ويا....... ريت ما صحينا

    كلام حلو كتير والصور المستخدمة كتير رقيقة
    شكرا إلك...

    Artist
    عضوماسي
    عضوماسي

    ذكر عدد الرسائل : 142
    العمر : 41
    مكان الإقامة : Chicago - U.S.A
    تاريخ التسجيل : 22/04/2009

    رد: حلم

    مُساهمة من طرف Artist في الأربعاء يونيو 03, 2009 7:30 pm

    الكلام حلو و يلامس الشعور
    يعطيك العافة

    روح المحبة
    عضو ذهبي
    عضو ذهبي

    انثى عدد الرسائل : 50
    العمر : 34
    مكان الإقامة : ]دمشق
    تاريخ التسجيل : 01/06/2009

    رد: حلم

    مُساهمة من طرف روح المحبة في الإثنين يونيو 15, 2009 11:16 am

    أعود لأقول لك أنك لا تنال ما تستحقه من تعليق فكلماتك يجب أن يسمعها الجميع حتى يعرفوا بأن الشعر باللغة المحكية أو باللغة العربية الفصحى ليس مجرد ترتيب كلمات منمقة وتشابيه بل أحاسيس نحولها إلى سطور لا نهاية لها

    المنافس
    عضوماسي
    عضوماسي

    ذكر عدد الرسائل : 105
    العمر : 45
    مكان الإقامة : السعوديه
    تاريخ التسجيل : 24/05/2009

    رد: حلم

    مُساهمة من طرف المنافس في الثلاثاء يونيو 16, 2009 12:20 am

    بصدق احاسيسك نقلتنا الى تلك الاجواء الرائعه التي وصفتها كلماتك وجعلتنا نشعر وكأننا موجودين فيها
    ووجودك في هذا المنتدى قد اثراه
    وشكرا بعد شكر لك

    جورج قزعور
    عضو نشيط
    عضو نشيط

    ذكر عدد الرسائل : 20
    العمر : 55
    مكان الإقامة : حب نمرة
    تاريخ التسجيل : 03/06/2009

    رد: حلم

    مُساهمة من طرف جورج قزعور في الثلاثاء يونيو 16, 2009 12:51 am

    الأخوة الأعزاء أنا أشكر مروركم الكريم وتعليقكم على قصائدي وبالفعل زادت شجاعتي بأن أشارك أكثر بمواضيع أخرى وبهذا الاسلوب وخصوصا بعدما احسست بأنكم لا تجاملون شكرا لكم من القلب

      الوقت/التاريخ الآن هو السبت نوفمبر 18, 2017 5:01 am