احكي بصراحة

    شاطر
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 36
    مكان الإقامة : دبي
    تاريخ التسجيل : 24/04/2009

    احكي بصراحة

    مُساهمة من طرف أم شمس في الإثنين يونيو 01, 2009 8:36 am

    شو السبب يلي بخلي كل واحد فينا يدخل ويشارك بارائه بالمنتديات عن شو عم نبحث وشو يلي ناقص بحياتنا وعم نعوضه هون او في اسباب اخرى لكل واحد فينا لانو في كتير ناس مابهما تدخل وتشارك
    احكو الحقيقة اذا كنتو شجعان

    روح المحبة
    عضو ذهبي
    عضو ذهبي

    انثى عدد الرسائل : 50
    العمر : 34
    مكان الإقامة : ]دمشق
    تاريخ التسجيل : 01/06/2009

    رد: احكي بصراحة

    مُساهمة من طرف روح المحبة في الإثنين يونيو 01, 2009 8:50 am

    يمكن السبب إنا منكون بحاجة للتواصل مع ناس ما

    منعرفن وجه لوجه ناس نحنا منختارن مو انفرضو علينا

    وهيك منشعر إنو اخترنا شي بإرادتنا وإمتا ما بدنا

    فينا نطلع من المقهى أو نفوت عالمقهى
    avatar
    بشير حيدر
    عضوماسي
    عضوماسي

    ذكر عدد الرسائل : 225
    العمر : 35
    مكان الإقامة : دمشق
    تاريخ التسجيل : 23/04/2009

    رد: احكي بصراحة

    مُساهمة من طرف بشير حيدر في الإثنين يونيو 01, 2009 9:12 am





    الصراحة يا أم شمس متل ما قالت روح المحبة

    بس منتدى سلمية فيه نوع من الحنان أو ما بعرف شو بدي سميه نوع من التآلف والمحبة وروح المعرفة Embarassed

    أنا ما ممكن شارك بأي منتدى ما بحس حالي قريب من الأشخاص ألي موجودين فيه من كل النواحي فكراً وعقلاً

    بس بصراحة أنتي يا أم شمس بتعطي نوع من السحر المميز في هذا المنتدى ونتمنى نضل نشوف مواضيعك وتعليقاتك الرائعة جداً

    سلامي إلى... sunny أبو شمس..... sunny . وشمس sunny


    iyadfl
    عضو بلاتيني
    عضو بلاتيني

    ذكر عدد الرسائل : 418
    العمر : 40
    مكان الإقامة : المملكة العربية السعودية
    تاريخ التسجيل : 23/02/2009

    رد: احكي بصراحة

    مُساهمة من طرف iyadfl في الإثنين يونيو 01, 2009 9:29 am

    والله السبب الرغبة في ايجاد طريقة جديدة للتواصل على راي الصديقة روح المحبة وكمان التعويض عن شي ناقص او منفتقدو بحياتناعم يتوفرلنا من خلال المنتدى وهو التعبير عن ارائنا
    ضمن الحد الادنى من الضغوط
    بالاضافة لاسباب اخرى متفرقة تتبع للخيارات الشخصية لكل فرد
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 36
    مكان الإقامة : دبي
    تاريخ التسجيل : 24/04/2009

    رد: احكي بصراحة

    مُساهمة من طرف أم شمس في الإثنين يونيو 01, 2009 10:33 am

    طيب حدا بهمو رأي الآخرين عن جد بالمواضيع يلي بيطرحا ولا بس لحتى حدا يسمعه وهل ياترى الملل إلو علاقة بالنص
    طبعا لو مو منتدى لسلمية ماكنت بدخل لانو يلي بتعرفو احسن من يلي بتجهلو
    وبتتمنو تشوفو بعض او تتعرفو على بعض بالحقيقة ولا بتفضل ضلو مجهولين بشكل جزئي
    avatar
    بشير حيدر
    عضوماسي
    عضوماسي

    ذكر عدد الرسائل : 225
    العمر : 35
    مكان الإقامة : دمشق
    تاريخ التسجيل : 23/04/2009

    رد: احكي بصراحة

    مُساهمة من طرف بشير حيدر في الإثنين يونيو 01, 2009 10:41 am

    فكرة حلوة ام شمس

    يلى بس تجي على سوريا خبرينا

    بلكتن الإدارة بتعمل حفل للمنتدى وبحضور كل الأعضاء وهيك بتكون عنجد حفلة حلوة

    أنا معك بالفكرة
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 36
    مكان الإقامة : دبي
    تاريخ التسجيل : 24/04/2009

    رد: احكي بصراحة

    مُساهمة من طرف أم شمس في الإثنين يونيو 01, 2009 2:03 pm

    فكرة الحفلة حلوة بس انا مااقترحتا خليتني ارجع اقرا شو كاتبة
    avatar
    lala
    عضوماسي
    عضوماسي

    انثى عدد الرسائل : 170
    العمر : 35
    مكان الإقامة : سلمية
    تاريخ التسجيل : 26/12/2008

    رد: احكي بصراحة

    مُساهمة من طرف lala في الإثنين يونيو 01, 2009 3:49 pm

    يمكن نحنا بكل بساطة بحاجة لحدا يفهمنا صح
    يلمسنا من الداخل بدون خوف وبدون أبعاد لأي فكرة تطرح أو رأي نشارك فيه.

    أو يمكن بنفتقد الجرأة اللازمة لنعبر عن حالنا صح وبحاجة لشوية ثقة بنكسبها من خلال آراء الاعضاء بالمنتدى بمشاركاتنا.

    أو هي الشعور بالوحدة بكل بساطة.......

    تقبلي مروري

    Artist
    عضوماسي
    عضوماسي

    ذكر عدد الرسائل : 142
    العمر : 41
    مكان الإقامة : Chicago - U.S.A
    تاريخ التسجيل : 22/04/2009

    رد: احكي بصراحة

    مُساهمة من طرف Artist في الإثنين يونيو 01, 2009 4:20 pm

    دخولي للمنتدى الو أسباب و ممكن تكون هالاسباب مشتركة مه البعض :
    - التواصل مع سلمية و أهلها.
    - الاستفادة من المواضيع المطروحة و اكيد بتكون منتقاة بطريقة أدبية لأن الموقع للسلامنة .
    -الجميع يشارك و هذا يقلل من بحثي عما أريد .
    - ممكن اتكلم بحرية أكتر و شوف رد الفعل .
    - المهم و قبل كل شي أن لاأشعر أني بعيد عن بلدي . و أن أخفف من قساوة الغربة
    - نحنا من السمكة ما منعيش بلا مي و ميتنا هيي سلمية
    avatar
    شادي
    مشرف عام

    ذكر عدد الرسائل : 684
    العمر : 35
    مكان الإقامة : سلمية
    تاريخ التسجيل : 17/02/2008

    رد: احكي بصراحة

    مُساهمة من طرف شادي في الإثنين يونيو 01, 2009 6:26 pm

    لى بس تجي على سوريا خبرينا

    بلكتن الإدارة بتعمل حفل للمنتدى وبحضور كل الأعضاء وهيك بتكون عنجد حفلة حلوة

    منذ فترة ليست ببعيدة كانت ثمرة التعارف الالكتروني..تعارف شخصي بين 7 من أعضاء المقهى..وفكرة اللقاء المشترك الذي سيجمع أكبر عدد من أعضاء المقهى هي فكرة مطروحة منذ زمان..
    وإن شاء الله تعالى سنلتقي في موعد ليس ببعيد

    كل المحبة لكم


    _________________
    أنا وحبيبي صوتان في شفةٍ واحده....
    أنا لحبيبي أنا. وحبيبي لنجمته الشارده...

    iyadfl
    عضو بلاتيني
    عضو بلاتيني

    ذكر عدد الرسائل : 418
    العمر : 40
    مكان الإقامة : المملكة العربية السعودية
    تاريخ التسجيل : 23/02/2009

    رد: احكي بصراحة

    مُساهمة من طرف iyadfl في الإثنين يونيو 01, 2009 6:44 pm

    ام شمس انا بنتمي لاكتر من منتدى واللي لحظتو انو منتديات الاخرين بشكل عام عندن قدرة يستمعوا لبعض اكتر منا بس برجع وبقول هادا المقهى لبلدي وعم اوليه اهتمام اكبر ورايي بالنسبة لتعارف الاعضاء بالحقيقة وبالرغم من انو قسم من الاعضاء بيعرفني
    بشكل شخصي الى اني ارفض انو يكون في تعارف علني لعدة اسباب بحب اذكر واحد منها بس وهو انو رح ياثر بشكل فعلي على كفاءة المشاركين والمشاركات وهادا من واقع خبرة وارجو انو يكون انفهم قصدي صح وماحدا يزعل هادا بيضل راي
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 36
    مكان الإقامة : دبي
    تاريخ التسجيل : 24/04/2009

    رد: احكي بصراحة

    مُساهمة من طرف أم شمس في الثلاثاء يونيو 02, 2009 7:43 am

    كل واحد فينا لمس الحقيقة بطريقته الخاصة يعني الوحدة هي السبب وكأنو عم نبحث عن عالم تفهمنا بعيد عن التأثيرات التانية واياد معك حق بس لازم تعرف انو بجوز في ناس بحاجة لتحضر تعارف انا من ناحيتي مارح اجي بس بشجع الفكرة

    Artist
    عضوماسي
    عضوماسي

    ذكر عدد الرسائل : 142
    العمر : 41
    مكان الإقامة : Chicago - U.S.A
    تاريخ التسجيل : 22/04/2009

    رد: احكي بصراحة

    مُساهمة من طرف Artist في الأربعاء يونيو 03, 2009 3:09 pm

    ام شمس أنا ما قصدت الوحدة بكلامي، الغربة لا تعني الوحدة ... و رح كرر كلامي منجديد :
    دخولي للمنتدى الو أسباب و ممكن تكون هالاسباب مشتركة مع البعض :
    - التواصل مع سلمية و أهلها.
    - الاستفادة من المواضيع المطروحة و اكيد بتكون منتقاة بطريقة أدبية لأن الموقع للسلامنة .
    -الجميع يشارك و هذا يقلل من بحثي عما أريد .
    - ممكن اتكلم بحرية أكتر و شوف رد الفعل .
    - المهم و قبل كل شي أن لاأشعر أني بعيد عن بلدي . و أن أخفف من قساوة الغربة
    - نحنا من السمكة ما منعيش بلا مي و ميتنا هيي سلمية
    بعدين هالتعارف اللي عم تحكو عنو أنا ما بشجعو !!!!!!!
    avatar
    خالد
    عضوماسي
    عضوماسي

    ذكر عدد الرسائل : 165
    العمر : 34
    مكان الإقامة : دمشق
    تاريخ التسجيل : 14/12/2008

    رد: احكي بصراحة

    مُساهمة من طرف خالد في الأربعاء يونيو 03, 2009 10:35 pm

    كل واحد فينا بحاجة يسمع وينسمع، المعرفة والتعبير عن الرأي (بالنسبة الي على الأقل) سببين أساسيين للمشاركة بأي منتدى، وبما انو كل واحد منا بينطلق من الحلقة الأضيق للأوسع كان مقهى سلمية مكان طبيعي النا، وطبعاً متل ما قال اياد في أسباب تانية متنوعة بتنوع الأعضاء.

    ذكر أرتيست كمان انو المواضيع ممكن يكون الها طابع أو مستوى معين كون المنتدى لسلمية، ممكن شوف بهالطرح سبب اضافي لكوني هون – طبعاً بدون تعصب - بس هالنقطة حقيقة مافينا ننكرها. هامش الحرية الموجود كمان سبب مهم، ممكن يكون طرح فكرة وانتظار ردود الفعل عليها أسهل من طرحها وجهاً لوجه مع مجموعة أشخاص، وهالشي بعود لاعتبارات كتيرة منها الثقافية والاجتماعية واعتبارات البيئة وحرية التعبير والخطوط الحمر يلي بيرسمها كل مجتمع لأفراده.

    أما بخصوص التعارف الشخصي ونقل العلاقة بين الأعضاء من افتراضية لحقيقية فهادا بعود لتقدير ورؤية كل عضو، ممكن هالشي يكون بنظر البعض تضييق لهامش الحرية للأسباب يلي ذكرتها سابقاً، وممكن يكون بنظر البعض الآخر غاية وجوده بهالمنتدى، وبالتالي أنا بشوف انو لازم يكون في مرونة بهالجانب وتجنب التأطير قدر الإمكان، وهيك ممكن للعلاقة بين عضوين أو أكثر تتطور بشكل طبيعي في حال كان هالشي مناسب لهالأعضاء، ومتل ماذكر شادي صار في لقاءات وانطلقت صداقات عزيزة عليي شخصياً من مقهى سلمية
    .

    المنافس
    عضوماسي
    عضوماسي

    ذكر عدد الرسائل : 105
    العمر : 45
    مكان الإقامة : السعوديه
    تاريخ التسجيل : 24/05/2009

    رد: احكي بصراحة

    مُساهمة من طرف المنافس في الخميس يونيو 04, 2009 2:39 am

    بالنسبه لاشتراكي بالمنتدى هو ايماني بفكره تبادل الأراء والخبرات وزياده المعرفه والسبب الرئيسي لذلك هو أسم المنتدى وكما قال أرتست لتخفيف قساوه الغربه
    أما بالنسبه للتعارف الشخصي للأعضاء فأن أقامه حفله تعارف أقتراح جيد لوجود رغبه لدى بعض الأعضاءبذلك وطبعا يحق للبعض الاخر عدم الحضور . ولا تنسوا بالنهايه ولاد سلميه على درجه عاليه من الثقافه ويملكون من الذكاء الأجتماعي مايؤهلهم للتواصل مع غيرهم ومع بعضهم عن طريق المنتدى بتعارف شخصي أو بدونه
    تقبلوا مروري
    avatar
    أم شمس
    عضوماسي
    عضوماسي

    انثى عدد الرسائل : 178
    العمر : 36
    مكان الإقامة : دبي
    تاريخ التسجيل : 24/04/2009

    رد: احكي بصراحة

    مُساهمة من طرف أم شمس في الخميس يونيو 04, 2009 7:25 am

    ارتيست كمان الوحدة مو معناتا إنو تكون لحالك او ماعندك حدا احيانا لمى مابيكون حواليك ناس عم تفهم عليك أو بتشاركك ميولك وهواياتك بتكون وحيد
    ممكن تعيش سعيد مع كل العالم لكن بالنهاية بتصير تحس انك بالمكان الخاطئ او انك مليت من مسايرة الناس وبدك تكون متل مو انت مع ناس متلك انت

      الوقت/التاريخ الآن هو الأحد سبتمبر 24, 2017 5:59 pm