ثرثرة

شو رئيكن بالثرثرة هالمرض المستفشي بس مابعرف اذا هو اختصاص اهل سلمية او هو بنفس الشدة بكل مكان
بجد حالة غير طبيعية مهما بعدت مستحيل إلا ماينطوش راسك من شي حديث معقد بتفاصيلة مزعج باحداثه مقرف بسخافته
من يوم ورايح لازم بطل احكي اي شي لانو كل شيء قابل للتأويل بدي صير خرساء وبجوز مااستفاد شي كمان بصيرو يقولو طرفة بعينا يمكن قصدا مابتحب فلانة مثلا
اف احيانا مهما حاولت تترفع عن شيء معين مستحيل إلا ماتنجر لغباء الثرثرة

فعلا هو مرض ومرض علاجو صعب وللاسف معدي في حال انخرط الشخص بالمجتمع المصاب فيه
بصراحة انا كنت مغتربة عن سلمية وداخل سوريا بس ما كنت صادف في مكان سكني اي حالة لفتت انتباهي على مدى 25 سنة وكانت الناس تجتمع لتتكلم عن نفسها واحاديث مسلية ومفيدة في ان واحد
واليوم انا في سلمية وللاسف اصبحت منعزلة عن العالم الخارجي بعد أن كنت اجتماعية الى حد بعيد لاني كلما حضرت جمعة كانت تدور احاديث فلان عمل وفلانة عملت وكان العالم متوقف على حديثنا هذا والمضحك بالموضوع انه اذا طرق زائر باب بيتنا وهو في الغرب كنت اسمع الخبر في الشرق/زاركم فلان؟!!!!/ وكانه انتقل مع الرياح
وتقولين مرض انه داء اخطر من اي داء ظهر لانه يستشري بسرعة ولذلك قررت ان اضع نفسي في حجر مؤقت علي لا اصاب بالعدوى.
وعلى قولة أصالة/ ليه كل الناس بتتكلم على كل الناس
عذرا لصراحتي وشكرا ام شمس على تسليط الضوء على هالموضوع

نحنا بغربة هون ومنعرف بس عيلة من سلمية وهني الوحيدين يلي بيوجعولنا راسنا من كل شي منعرفن وبتعرفو احيانا الثرثرة العادية ممكن الواحد يتقبلا شوي بس الاختراعات والتأليف هادا بيشد الاعصاب والناس مابعرف ليش بتميل دائما لتصديق الامر من وجهة النظر السلبية

أي مجتمع صغير تنتشر فيه الثرثرة بشكل كبير لأن الناس كلها تعرف بعضها بعضاً
أما عني شخصياً
أنا أسكن في حمص ...... لم يكن لي أصدقاء في الجامعة من سلمية ....... وابتعدت عنهم فقط لأجل هذا الموضوع
فلا تكاد الفتاة تذهب حتى يشبعوها كلاماً وتأليفاً وتأويلاً لكل حركة .....
بالطبع هناك أشخاص مختلفون ...... ولكن وبصراحة معك كل الحق أم شمس ....... الثرثرة متفشية بيننا نحن أهل البلد الواحد أينما ذهبنا ......
شكراً لك

الثرثرة دواها العمل و قلة الوقت
اللي مشغول و عندو التزامات و مو فاضي أكيد مارح يثرثر
فالمهم تنظيم الوقت و العمل و اللي ما عندو ... يقرا كتب
و يشرب متة لحالو مو مع اي حدي لأنها تخلق جو حماسي للحكي ..

يعني المتة هية السبب عم قول لحالي مابحب المتة ولابشربا طلع إلا علاقة بالحماسة للحكي

كل ماكنت متحمسة على الرجعة لسلمية بتذكر كم شخص اختصاص ثرثرة بغب على قلبي وبقول الله يعيني على هالكم اسبوع يلي رح ضلن

أم شمس ..... لا تجعلي الأمر يحبطك ....... فليتكلموا كما يشاؤوا ......
المهم أن تكوني أنت مقتنعة بما تفعلين ...... ولا تعطيهم اهتمامك .... ولا تظهري انزعاجك ...... لأنهم يريدون ذلك ..... وإن لم تحققيه لهم سيملون ......

اي نحنا حياتنا مبنية وقائمة عالثرثرة من المهد الى اللحد

كلام رائع يا سوسنة وأنا أويدك فيما كتبتي

اما صديقتنا الغالية ام شمس هلق تعي على سوريا وكلشي حلو بوقتوا
تحياتي لكم جميعاً

انا بتجاهل كتير لهيك بزيد الضغط وبالاخير بفكر انو معقول جاية انبسط مع اهلي مضيا عم استمع للتفاهات وحل مشالكل مالا اساس منطقي

كلام الناس لا بيقدم ولا يأخر كلام النا س ملامة وغيرة مش أكتر المشكلة انو مجتمع سلمية عم يكبر وما عادو صغير ومع هيك الثرثرة واللت والعجن والتبهير بالحكي عم يكبر معو كانو صفة ملزوقة بسلمية ومستحيل تتخلص منها وحكيك أم شمس مظبوط أنا إلي صديقة مغتربة بتكره حياتا بالإجازة وما بتصدق تلم غراضا وترجع وعحكيا إنو كل وجع الراس والمشاكل إجوها من ورا أهل سلمية يلي بتعرفن بالغربة عكل حال نحنا علينا إنو نحاول ما ننخرط بهالمشكلة ونبعد عن وجع الراس وندعي لكل مين ميتلي بهالمرض (((( الله يشفيه))))

معكن حق مالنا غير ندعي
يارب اقطوش لساناتن
وطول دينين
وقصر جرياتن وطول دياتن
وكتر اعمالن واشغل افكارن
يلا دعواتكن معي ياشباب

مشكورة ام شمس ع الموضوع
فعلا آخ آآآآآآآآآآآآآآآىخ من الثرثرة و من النا س اللي بتثرثر عبعضها
الثرثرة موجودة وين من كان متل مابتعرفي صرلي بالسعودية سبع سنين وعندي صديقات( سعوديين ـ وسوريين )
ومابدي اذكر غير بلدان لأنها اسوأ وعندها حكي اكتر وبتوصل للضرر بالعمل او عملك
وهلق عندي صديقة سعودية كتير حبابة بس لازم تجيب سيرة الف فلان وشكوى ووووووو
وعنا اصدقاء سلامنة يعني شي خمس عيل واخترتهن من كتير ناس
لأنو ماعندهن حكى ولا ثرثرة ع الفاضي يعني مابدنا نقول بس بلدنا
والشخص(( هو اللي بيحدد النا س اللي بدو يتعامل معهن يعني الثرثار بعملو xxxxx
من حياتي لأنو ((مابيخافو الله ))وناس فاضية فأكيد بدنا نخاف منهن
وياريت اذا الواحد فاضي يمسك كتاب بيستفيد وبيفيد وبيتثقفو شوي

واسفة ع الاطالة

لا والله يأم آية مافيكي تختاري دائما العالم يلي بدك تتعاملي معن وانتي ادري بهيك شغلات اصلا الناس الثرثارين مافي داعي ما تتعاملي معن لتتجنبي ثرثرتن فيكي وبلاكي عندن دائما حديث اكشن عنك