هيك صرنا

    شاطر
    avatar
    زاركافا
    عضو بلاتيني
    عضو بلاتيني

    ذكر عدد الرسائل : 309
    العمر : 41
    مكان الإقامة : سلمية
    تاريخ التسجيل : 12/12/2008

    هيك صرنا

    مُساهمة من طرف زاركافا في السبت مايو 30, 2009 7:08 am

    [size=18]الحقيقة مابيعرف الواحد منين بدو يبلش وخصوصاً اذا بدو يحكي عن الواقع المرير الي وصلنالو بهلايام في سلميه

    بدي احكي عن امراض اجتماعيه وقيود اصبحنا تحت رحمتها لاننا تخلينا عن الشيء المهم ولحقنا السخافه الى ان اصبحنا نقلد بسذاجة الغير حتى انمسخنا وضعنا وضيعنا اولادنا
    المهم وبدون اطالة
    اعذروني لاني عمفضل الكتابه بالعاميه ورايح جيبلكن اياها دج (على راي اختنا ام شمس)
    غلاء المهور في بلدتنا صار عادة لم يعد المهم بالعريس اخلاقو او حسبو او نسبو المهم شو معو وشو في يدفع
    الي معو ليرة بيسوا ليرة
    البنت صارت تخجل تجاوب رفقاتا قديش مهرا اذا كان تحت النص مليون
    الامر عادي كلو حبر على ورق الي بحب التاني مابيطلع على هالامور سجل ولايهمك والاحلى من هيك بدك تسجل شي ميه الف حين الطلب
    بتعرفو هالحكي شو عمل فينا ؟؟؟
    صار الشب يدور على الموظفه بس مشان راتبها بيقلك احسن من بقرة حلابة بتزتلك اخر الشهر عشر الاف وبتسحبلو قرض على الراتب
    ياجماعه صارت العلاقة بين الرجل وزوجته مادية بحته ؟راحت المودة والرحمة
    وهيك الكل بيقول ماحدا احسن من حدا ليش بنت فلان سجلا خطيبا كذا مانا احسن مني عن جد صار المهر عنا بالمليون برياحه وبيقلولك حبر عورق ؟؟. farao
    اما الخطوبه صارت عنا نفاق وانفاق بلا ضابط وكلشي فيها موزابط ماحدا عم يحسب حساب انو الخطوبه هي مرحله تعارف ويمكن ان تنتهي بالفشل
    صارت اعراض الناس لعبة بنخطب وبنترك مرتين تلاته
    شي ماعجبتني وشي مانو حلو وشي اهلو متحكمين في وشي مابتفهم الخمسه من الطمسه ؟طيب دورو مليح قبل الخطبه وبعدين قررو الارتباط بلا تسرع مشان مانندم ونصير اعداء لانو بعد فسخ الخطوبة كل واحد فينا بدو يصير يحكي اشكال الوان
    شي بيقول جماعه نور وشي بيقول الحمدلله ماعلقنا بهلزبالة؟؟
    الزواج
    صار هو المشكله الاكبر والعقدة الغير قابله للحل بدك دهب وبدك تحجز صاله وبدك تعزم كل حارة العروس واقرباءها وإلا بتزعل ام العروس اعراسنا صارت مسخره الناس صارت تروح عالعرس لتعرض لحما الدهب روسي او عيرة التنوره لفوق الركبه بشبر (عادي)بيلبق
    نص الظهر مبين والبطن عنو سكتةوياريت حدا عاجبو هالعرس الشاطر بيقول شو هالعرس النشح
    وبعد الزواج اهل المحروس بطلت تعجبن العروس ياخي بتنام للساعه 12 وبتبعت هالمشحر عالشغل بلا فطور وبدا اكل جاهز ومابتعرف تقل بيضة ؟؟؟
    واذا امو بتشوفوجايب شي عبيتو بتقول ضيعان هالترباية علوه يذكرني بوقية بزر ماني امو مالو شغل الاعم يزق لبنت ها....
    واهل المحروسة ما عجبن طقم الكنبايات ولا البرادي والمجلى مابيسوا ومافي بانيو وليش بس نفوت علبيت بيقلب خلقتو ؟؟بالله هادا سؤال حلو عن هالجماعة خيهن يعيشو
    وهيك لحتى يطلقو بعض من كتر تدخل الاهل بكل شاردة ووارده
    يا جماعه عاداتنا الاجتماعيه بالمدينه الحلوه فاشله وممسوخه واثارها السلبية عم تنعكس على الجميع
    الشباب صارت عمتعنس اكتر من البنات والمطلقات عبو المحاكم والموبايل خرب بيوت كتير عالم
    ياجماعه الله يستر قولو آمين

    iyadfl
    عضو بلاتيني
    عضو بلاتيني

    ذكر عدد الرسائل : 418
    العمر : 40
    مكان الإقامة : المملكة العربية السعودية
    تاريخ التسجيل : 23/02/2009

    رد: هيك صرنا

    مُساهمة من طرف iyadfl في السبت مايو 30, 2009 9:24 am

    انا معك تماما زاركافا بدون تعليق
    واقول انو الجايي اعظم يعني الامور لورا
    avatar
    همس الاحزان
    عضو نشيط
    عضو نشيط

    انثى عدد الرسائل : 38
    العمر : 34
    مكان الإقامة : سوريا
    تاريخ التسجيل : 24/04/2009

    رد: هيك صرنا

    مُساهمة من طرف همس الاحزان في السبت مايو 30, 2009 1:37 pm

    كلامك صحيح يا زاركافا لا واللي بيضحك مب انو ام العريس بتتصل بالبنت اللي بيكونوا ناس دالينها عليها وبتقلهاعلى الهاتف بدون ما تشوفها:اذا ما بدك توافقي لاتعذبيني انا ابني الف مين بيتمناه /علما انو البنت لسه ما بتكون بتعرف الشب
    قوليلي انتي مثبتة ولا لا
    وكمان انشالله مانك مطالعة قرض
    يعني صارت مواصفات البنات للخطبة /الوظيفة واذا بتكون انسة احسن/
    وتكون مو مطالعة قرض لاهلها
    يا سلام عهالزمن ياللي صار فيه اخر شي بيتطلبو الزواج /الحب/
    avatar
    بشير حيدر
    عضوماسي
    عضوماسي

    ذكر عدد الرسائل : 225
    العمر : 35
    مكان الإقامة : دمشق
    تاريخ التسجيل : 23/04/2009

    رد: هيك صرنا

    مُساهمة من طرف بشير حيدر في السبت مايو 30, 2009 1:44 pm

    أهم شي ماتكون مطالعة قرض على راتبها لا انو الزوج وقتا مابيستفاد شي
    ههههههههههههههههههههههههههههههههههههههه والله يجيرنا من الاعظم متل ما قال اياد
    تحياتي ألكون

    حسين الملوحي
    عضو ذهبي
    عضو ذهبي

    ذكر عدد الرسائل : 54
    العمر : 35
    مكان الإقامة : المملكة العربية السعودية
    تاريخ التسجيل : 30/05/2009

    رد: هيك صرنا

    مُساهمة من طرف حسين الملوحي في السبت مايو 30, 2009 5:29 pm

    يا جماعة ومن تجربة شخصية
    انا كان المقدم مو كتير والماخر مو كتير يعني المجموع ما تجاوز 300 الف وانا اخترت شريكة حياتي مو موظفه ولا بدي اياها تتوظف او تشتغل
    لان انا من واجبي اصرف على الاسرة وهي تتفرغ للبيت والاولاد والاهتمام بي
    وانا اشعر ان المراة تظلم عندما تعمل مثل الرجل خارج البيت ثم مطالبة بعمل اضافي ( او بالاصح اجباري) وهو عملها داخل البيت, ومو معقول كل يوم الزوج بده يوفق معاها بالمطبخ ويشارككها بالحمل والولادة وتربية الاولاد
    ولكن الامور الاقتصادية قد تلعب دور في ان تتضر المراة للعمل
    بس الصراحة انا عندي اتعب طول النهار بس انو ارجع على البيت تكون زوجتي مرتاحة وناطرتني ومهتمه بالبيت والاولاد ومستعده لادلل عليها شوي ( بدي كاسة مي... سويلنا كاسة مته... وين الاكل ... ) والله يوفق الجمع

    ونصيحة الجمال مطلوب والتعليم مطلوب ولكن المهم والاهم الخلق والتعامل الحسن

      الوقت/التاريخ الآن هو الأحد سبتمبر 24, 2017 5:59 pm